السفرة الأردنية في شهر رمضان

رمضان كريم عليكم ، بما انو دخلنا على أحلى شهر بالسنة ، راح نحكيلكم شو العناصر الاساسية ب سفرة الافطار الأردنية في الشهر الفضيل .

• التمر

التمر مكون أساسي على سفرة الإفطار و لازم الأردني يكسر السفرة بالتمر لفوائده الكتيرة كونه مصدر للطاقة و المعادن و كمان مذكور بالسنة النبوية و القرآن الكريم.

قمر الدين•

مشروب قمر الدين من مشروبات رمضان المشهورة ، و في أبحاث بتحكي سبب انتشار مشروب قمر الدين في رمضان انو الخليفة الأموي الوليد بن عبد الملك كان يأمر بتوزيع مشروب المشمش لما يثبت رؤية هلال رمضان، لهيك إسمو ” قمر الدين ” و كمان فوائده المهمة للطاقة و الجهاز الهضمي .

فيمتو •

مشروب فيمتو من المشروبات المفضلة بشهر رمضان و بتلاقي الو زاوية بالبقالات كونه رمز من رموز الشهر الفضيل .

القطايف •

اكتر نوع حلو مشهور برمضان و بكون محشي يا بالجبنة او بالقشطة او بالجوز .

الفواكه المجففة•

كتير برمضان بتلاقي ناس بحبو الفواكه المجففة على السفرة بالذات المشمش ، الزبيب ، المانجا و الأناناس .

خبز رمضان •

خبز هش عليه حبة بركة و سمسم و اسمو خبز رمضان لانه بتعملو المخابز بشهر رمضان بالذات و الناس لازم تشتريه لوجبة السحور .

السمبوسك •

يعتبر من المقبلات المفضلة على سفرة الإفطار في شهر رمضان المبارك .

• اللقيمات

هاي التحلاية مشهورة بشهر رمضان و أصلها خليجي بس انتشرت كتير بالأردن.

• الشوربات

كمان الشوربات من الأساسيات على سفرة الإفطار لتعطي حاجة الصائم من السوائل و بتساعد على تهضيم الأكل .