تسلية ومغامرات
أحلى أماكن لازم تزورها في ساحة باريس في عمان
مين منا ما بحب الويبدة؟ أجواءها كتير لطيفة ومميزة، وفي كتير أماكن خرج نزورها قريب من دوار باريس.
المقاهي والمطاعم
في كتير مقاهي لطيفة رح تحبها قريب من دوار باريس، ومنها مقهى رومي وهو الوُجهة اللي بحبها الكل، لأنه عنده ألذ قهوة وأحلى قعدة اللي بتعطيك المجال تتعرف على كتير ناس وأصحاب من كل عالم، ومن المقاهي التانية المميزة: ركوة عرب وساقية الدراويش اللي بتقدم أطعمة شهية، وفي كمان Mia Cara و Dimitri’s وغيرهم كتير.
المركز الثقافي الفرنسي
وهو مكان مميز لتعلم اللغة الفرنسية، والحلو فيه انه اي شخص بقدر يدخل مشان يطّلع على المكتبة هناك وفي مقهى لطيف بداخله، والمركز بنظم كتير انشطة ثقافية وترفيهية منظمة من السفارة الفرنسية في الأردن.
دارة الفنون
وهو معرض فني فيه العديد من اللوحات والأعمال الفنية المميزة، كمان بيتم فيه تنظيم العديد من الانشطة في الدارة، والقعدة فيه رهيبة ورايقة.
دار الأندى
وهو كمان معرض فني بيقدم مساحته للفنانين ليعرضو اعمالهم، وهالمعرض مكوّن من طابقين، والغرف فيها بتتميز بسقفها العالي والشبابيك اللي على شكل أقواس، هالبيت تم بناؤه في فترة الستينبات وصار معرض فني في التسعينيات ليكون دار الأندى اللي لازم تزوروه لما تكونو قريبين من دوار باريس.