أشياء نحبها
This article is also available in
.
Switch Language
طير للمريخ بالأردن
اكيد شَدّك العنوان و صار نِفسك تحقق حلمك و تطير بالفضاء و تنزل عالمريخ. على قَدّ ما الموضوع فعلياً صعب، على قَدّ ما سَهَلولك الموضوع عندنا بالأردن و خصوصاً بوادي رم.
مخيم صن سيتي Sun City Camp بالتعاون مع فريدومز Freedomes خَلُّو هاد الحلم يصير حقيقة بدون ما تغمِّض عيونك.
ابعد عن عمّان ساعتين و نص بالسيارة لتوصل وادي رم بالقرب من الموقع يللي صوروا فيه فيلم The Martian بتلاقي مخيم عبارة عن قُبب جيوديسية بتضمن حمامك الخاص و شبابيك بانورامية تتطلع على مناظر خلابة بوادي رم من التشكيلات الصخرية، الحجر الرملي و الغرانيت و كأنك ع كوكب المريخ.
و فوق المنظر هاد، تعلل عند البدو الرحَّالة و جرِّب الزَرب (لحمة خاروف مطبوخ تحت الرمل) بمطعمهم الخاص.
و في عندهم خيم بدوية كمان للي حابب يغير تجربته و يرجع لكوكب الارض.
الليلة تتراوح ما بين ١٦٠-٣٢٠ دولار حسب الاختيار.