مطاعم ومقاهي
ازكى محلات بتقدِّم مَنسَف بالاردن
تشتهر الأردن بالطبق المميز، مَنسَف. مستحيل تكون أردني و ما تكون جربتها بمناسباتك الاجتماعية و كل يوم جمعة، حتى من كُثُر ما احنا فخورين فيها، بنعزم كل واحد بيجينا من برَّا عليه. اهم مقاديرها، الجَميد (لبن منشَّف) و يا مَزكاها اذا الجميد كركي. هون عدّدنالك كم محل بيطبخ مَنسَف رهيب للايام اللي مش طابخينها بالبيت:
١) جميدة خانوم
مطعم فريد من نوعه بيمجِّد المَنسَف زيّنا بالضبط لدرجة انه عندهم شلال من الجميد اللذيذ.
٢) نسيم – فندق فيرمونت
شكل جديد للمنسف و مبتكر. اشي مش متعوّدين عليه بالمرة واللي هو مَنسَف راب wrap او شاورما المنسف او ممكن تسميه سوشي المنسف. بيلفلَّك الرز بخبز شراك مع تغميسة جميد من الآخر.
٣) مطعم سفرة
محل صغير، بيتوتي ببيع طبايخ بيت من ضِمنهم مَنسَف ولا اروع.
٤) مطعم بيت عمر
نسبةً للفنان الأردني، عمر العبداللات، هالمحل ببيع كل شي. بتبلّش وجبتك عندهم بكاسة رشوف shot (كمان اكلة أردنية بالجميد) و عنده مَنسَف اصيل.
٥) جبري
مطعم بتاع كله. ما في شي مش موجود و من اهم الاطباق و اشهاها، المنسف بسعر معقول جدا. ببيع بالطبق و بالسدر كمان.
٦) مطاعم معروفة بتبيع بالجملة (يعني بالسدر). هذول المطاعم شغل مناسبات كبيرة و عزايم بتوفِّر ازكى سدور مناسف و برفعوا الراس قدّام مَعَازيبَك مثل:
– مطعم القدس
– ريَّالات
– اخو دنيا
– زاهدة