أشياء نحبها
١٠ محلات بيبيع اثاث غريب عجيب
كل واحد عنده ذوق معين و مرّات كثير ما بيناسبك الاشياء التقليدية و بدك شي غريب للبيت او المكتب او اي مكان ثاني. و عشان هيك لاقيْنالك كم محل عندهم اشياء بتناسب الكل، بالذات اللي بيدّوِر ع اشي مُلفِت:
١) ليغنو – ضاحية الرشيد
اللي بيحب الالوان رح يموت بالمحل هاد. معبّا الوان ما بتتخيلها و موديلات بوهيمية فنية.
٢) ارتري – اطلبهم عالتلفون
بيعيدوا تدوير الخشب لتحف فنية رائعة، غريبة و ريفية لكل اللي بيحبوا الخشب.
٣) فاين ارت – شارع مكة
عندهم اثاث و اكسسوارات فنية عصرية حديثة و انيقة بتناسب جميع الاذواق.
٤) ادجي – دابوق
هون بتلاقي الاشياء الغريبة على اصولها.
٥) ابليك – شارع مكة
معظم البضاعة اللي عنده بتخص الاضوية و الاكسسوارات. باللحظة اللي بتدخل المحل، بتغير رأيك لكل اللي موجود عندك و بصير بدك تبدِّل.
٦) شيراز – مجمع جبر
تحف فنية تقليدية من الثقافة الاردنية وعندهم انتيكات كمان.
٧) فويد – طلوع البكالوريا، دابوق
تماثيل و تحف زجاجية و سيراميكية عصرية بتناسب الجميع.
٨) بدر الدجى – الدوار الثاني
اثاث و اكسسوارات عربية فنية مطرزة.
٩) را – اطلبهم عالتلفون
بعملوا اكسسوارات يدوية وعصرية بجودة عالية و اسعار معقولة.
١٠) نيون طاهر – اطلبه عالتلفون
صرعات نيونية بتشِّع المكان شَعّ.