مطاعم ومقاهي
٨ اشهى مطاعم تركية بالاردن
ما بنقدر نوعدك تشوف لميس و مهند، بس بنوعدك انك تاكل اصابيعك ورا اطيب الاطباق التركية بدون ما تسافر من بلادك. هون حتتعرف ع اشهى ٨ مطاعم تركية بالاردن. صحة و عافية afiyet olsun!
١) زمبك
بعيد عن عجقة المدينة، هالمحل عنده شيشة كمان. جرب اسكندر كباب و المانتي و حتشوف انك رح تضل تعيدها دايما.
٢) مادو
ماركا تركية مية بالمية، كأنك قاعد بنص اسطنبول. كل شي تركي من الاكل، للحلو، للمشروبات. روحو اطلبو الجوزليمه – Gözleme (برك) و الشاي المخمر عالفطور و ما تنسا تتحلى بالباكلافا – Baklava الخضرة الاصلية.
٣) لوكا
بيكفّي انه الشيف مُرات جد من تركيا. هالمحل غالي شوي بس بستاهل. اقرب شي من نصرت – Nusret علينا. جرب الستيك المطبوخ بالزبدة (بطبخه قدامك) و ريش الخاروف مش عاديين واللي بصدمك اكتر انه الباكلافا – Baklava من غازي عنتاب.
٤) سميت ساراي
هاد المحل ماركا تركية كمان متخصص بالمعجنات و البرك و السيميت التركي موجود بجاليريا مول. جرب المعجنات بالسجق التركي و الشاي المخمر للايام اللي بتحتاج فيها بداية صباح قوية.
٥) دونر كباب
رح تشوف اسياخ كباب تتراوج من ٧٥ سم للمترين.، و كله ع ذوقك بس انت جرب و ذوق.
٦) مستر كومبير
ما حدا ما بيعرف الكومبير. بطاطا مشوية بزبدة و جبنة مع تشكيلة واسعة من الاضافات اللي بتناسب كل الاذواق.
٧) – تنتوني
دجاج مبهر بنكهات و مشوي عالصاج بطريقة جديدة مبتكرة. و عشان تكمل وجبتك بنكهة تركية اصيلة، اطلب لبن عيران.
٨) لالي سفراسي
محل فتح جديد و بقوة، عنده فخارات دجاج و لحمة مع عرض نيران من الآخر.