مطاعم ومقاهي
This article is also available in
.
Switch Language
١١ مطعم من المطبخ الآسيوي بالأردن
المتعارف عندنا من المطبخ الآسيوي هو الاكل الصيني. لكن كونه آسيا اكبر قارة بالعالم، اكيد في طبخات مختلفة و اطعمة متنوعة ممكن نجربها غير الصيني. دوَّرنالكم على ازكى المطاعم على هوى البلدان الآسيوية اللي متوفرة بالأردن:
تايلند
مزيج غريب من النكهات و الروائح اللي بتشهّي. سِر اللزازة بالتوازن بين الحامض، الحلو، المر، المالح و الحار.
تاي روم – عبدون
جرِّب الPad Thai, Green Curry و Mango Sticky Rice عشان تعرف عن شو بنحكي.
كوريا
يعتبر من اكثر الطعام الصحي بالعالم لانه ما بستخدموا الزيت كثيرعند طبخ الخضار و اللحوم. يتميز بالنكهات المنعشة و بالأخَص المالحة منها و الحارة.
مطعم سوهو – عبدون
جرِّب الHwe Dup bab (طبق من الرز و السمك النيّ) و Bulgogi (مشاوي لحمة كورية) عشان تستوعب النكهة اللي بتداولوها بجنوب كوريا.
اليابان
مطبخ فريد من نوعه مع انه اول شي بخطر عالبال رُز و سمك و بالأحرى السوشي. بس اللي رَح تستغربه انه في خيارات اصيلة غير السوشي.
سكاي لاين سوشي – فندق اللاندمارك (باتجاه الدوار الثالث من الشميساني)
عدا السوشي اللي لازم تجربه بهالمطعم، جرب الKani Salad, Tempura و الMochi Ice Cream و اطلب يعلموك كيف تصفِّط Origami Crane عشان جد تحس حالك ياباني.
رو – جبل اللويبده
هالمحل جديد و مشهور بالRamen و الDim Sum. سواء بتحبه بالخضار او اللحمة او الجّاج، رَح تِدمِن على هالاطباق مثلنا تماما.
يوشي – الدوار الثالث
جرِّب الCrispy Salmon Salad و الTepanyaki بجميع نكهاتها و مكوناتها المختلفة و منها اللي ع لحمة او جّاج او سمك او بالخضار للنباتيين.
الصين
الاكثر متداولا عند الشعب الأردني كمفهوم آسيوي هو الصيني. ما في داعي تكون تعرف تستخدم العيدان لتاكل من المطاعم اللي رح نذكرها
رَن تشاي – الدوار الثالث
جرِّب الHot and Sour Soup و الCrispy Noodles with Beef and Black Bean Sauce اللي بيدَخلَك عالحضارة الصينية من ضيافة رقائق السمك من اول ما تُقعد، لحد ما تروِّح.
بيكينج
من الذ اطباقهم اللي بالباذنجان و السبانخ و كمان لازم تجرِّب الCucumber Garlic Salad و الSautéed Shrimp with Soy and Vegetables عشان تِكمَل وجبتك.
شنغهاي – الصويفية
جرِّب الSweet and Sour Shrimp و الManchurian Chicken اللي رح يبهروك من ناحية اللون، الرائحة و الطعم.
الهند
بهارات ثم بهارات ثم بهارات
اندو – فندق الانتركونتيننتال (بين الدوار الثاني و الثالث)
بشكل عام، رح تحِسّ حالك داخل فيلم بوليوود. جرِّب الKorma Chicken, Pilau Rice with Vegetables و الBeef Vindaloo و هيك بتكون جرَّبِت من كل نوع.
تشاباتي – خلدا
من اكثر المطاعم الهندية الرائجة بالأردن و اكيد لسبب زكاوة اكله. اطلب Garlic Naan, Chicken Tikka Masala و Dal Fry و تحلّى بشراب ال Mango Lassi و الPakora.
ذا يالو تشيلي – تاج مول – عبدون
لازم تطلب الKashmiri Lamb Biryani بالإضافة الى الButter Chicken و الChicken Curry. بس قبل لتبلِّش اكل، جرِّب شوربة البندورة اللي عندهم.