مطاعم ومقاهي
روان حداد

ازكى محلات فطور ب عمان

ازا انت عم تزور الاردن لاول مرة اكيد لازم تجرب انك تفطر فطور عربي شرقي فخم، عمان مليانة مطاعم بتقدم منيو متنوعة لفطور زاكي متل الحمص والفول والفلافل والفتة والمسبحة والقدسية. هاد غير الحواضر والمناقيش والخبز بانواعه واكيد مع كاسة شاي بنعنع.

مطعم هاشم


بوسط البلد موجود واحد من اقدم وازكى واشهر المطاعم الشعبية والي هو مطعم هاشم، قعدته لطيفة وحلوة وبتزكرك ب ايام الزمن الجميل وبتقدر تفطر فيو انت وعيلتك واحبابك باجواء حلوة كتيير وكمان بفتح ٢٤ ساعة. أكيد هون بتاكل أشهى فلافل، حمص، وفته!

ابو جبارة


وعندك كمان مطاعم زاكية تفطر فيها متل مطعم ابو جبارة. بالاضافة للمكان الرائع والاجواء، لا تنسو تجربة الفتة بالصنوبر والسمن!

شمس البلد

عضوي ١٠٠٪ و كل شي مزروع عندهم او بيجيبوه من مزارع معروفة. من اطيب الاماكن اللي تِفطَر فيهم بالذات مع اللبنة ع طابون، بشرط تحط كل شي عليه.

The Cake Shop

ازا كنت من الناس الي حابين يجربوا فطور غربي، عمان كمان فيها هالخيارات الواسعة لتجرب كلشي متل The Cake Shop. كل فرع من افرعه بيهتم بكل تفصيلة صغيرة بكل كيكة، واحدة واحدة.

تريتس اند بينز:

اتجلّى بطلب كريب Crepe او وافل Waffle مع اضافات من اختيارك!

وبتقدر كمان تشتري فطور متل سندويشة فلافل وتتمشى بشوارع عمان متلا من

مطعم الكلحة

مطعم القدس

وكمان مطعم حمادة.

لا تفوت الفرصة بتجربة الفطور بعمان!