أشياء نحبها
This article is also available in
.
Switch Language
٥ اماكن بالاردن بتنمي التفكير عند الاطفال و بتزيد من ذكائهم
كتير من الاهل بيفتشوا على محلات ممكن ولادهم يتسلو و يستفيدوا فيها و ما يضوعوا وقت عالفاضي خصوصا باوقات العطل. هي خمس محلات حلوة و مفيدة:
١. متحف الاطفال
مؤسسة غير ربحية أنشئت في عام ٢٠٠٧ وهي إحدى المؤسسات التابعة لمؤسسة الملكة رانيا للتعليم والتنمية. من احلى الاماكن اللي بتنمي التفكير عند الاولاد و بتزيد قوة الادراك عند الاطفال عن طريق القراءة، الكتابة، اكتشاف الجسم و اعضائه، التعرف على الارض و الكواكب و كتير غيرها من الالعاب ال(indoor & outdoor).
٢. مركز زها الثقافي
مركز متخصص يقدم العديد من البرامج والنشاطات والخدمات التي تقوم بتحفيز الأطفال على التطور والابتكار من عمر (٣-١٦ سنة) في عنده كتير من الافرع في مناطق مختلفة بالاردن. بيقدم برامج متنوعة بتهتم بالطفل و الاسرة مع نشاطات عائلية مختلفة ومتعددة. تأسس مركز زها الثقافي عام ١٩٩٨ ايمانا بانه الطفل هو اللبنة الاساسية في المجتمع.
٣. حديقة الاردن للحيوان و الالعاب الترفيهية
بهالمحل الطفل ممكن يشوف الحيوانات البرية وبيتعرف عليها. طبعاً في العاب ترفيهية بتسلي كمان. هالمكان موجود بعمان منطقة اليادودة.
٤. Jordan Adventure Camp
من اكتر الاماكن الحلوة اللي بيقدروا يتسلوا و يتشجعوا فيها مع مناظر طبيعية مش عادية. في عندهم العاب لكل الاعمار، مع فرصة تنمية الذكاء وزيادة الشجاعة. هالمكان موجود ع طريق المطار.
٥. The Forest Park
المكان موجود بشارع الاردن مهيئ للمغامرات وال outdoor activities بتقدر تمضي وقت انت و اولادك هناك يعني الجو عائلي وحلو. بتتميز العابه بالسلامة الكاملة وجد كتير حلوة للصغار والكبار.