أشياء نحبها
This article is also available in
.
Switch Language
مطاعم وكافيهات بترجعك للزمن الجميل بعمان
في كثير من المطاعم والكفيهات بعمان وخصوصاً باللويبدة وجبل عمان ووسط البلد بترجعك وبتخدك رحلة على الزمن الجميل من الاكل والموسيقى وجو العام للمكان. مثل:
١- ركوة عرب – جبل اللويبدة
هذا المكان بتميز بالاثاث القديم والانتكات المستخدمة فيه للزينة وهو من الاماكن الي بتحب الناس تروح تفطر فيها صباحاً لانه مشهور بفطوروا الشهي وأغاني فيروز ومارسيل خليفة.
٢- جفرا – وسط البلد
هذا المكان بتميز بالاغاني الطربية وبرجعك للزمن الجميل بصور نجوم العصر الذهبي منهم عبد الحليم حافظ ،ام كلثوم غيرهم. كمان هذا المكان مشهور بالمشاوي والصاجيات الي على الحطب.
٣- مطعم كان زمان – طريق المطار
من المطاعم المشهورة بالعشاء الفاخر والطعام المتنوع وكمان الناس بتحب هذا المكان بسبب الجو العائلي مع الاغاني الطربية الاصيلة.
٤- مطعم الزوادة – الفحيص
اذا كنت من محبي الاكل المصنوع بحب والمنوع والي بعيد عن الاكل السريع الي انتشر بشكل كبير بنصحك تروح على مطعم الزوادة الي تستمتع فيه مع المطرب الي بعزف على العود والاطلاله الرائعة على جبال السلط.