أشياء نحبها
This article is also available in
.
Switch Language
اماكن السياحة العلاجية في الاردن
للامراض المزمنة ويلي بحب السياحة العلاجية، ٤ أماكن فيك تزورهن.
١. الحمة الاردنية
منطقة موجودة بمحافظة اربد، بتبعد عن عمان ١٠٠ كم. في بهالمنطقة فنادق ومنتجعات سياحية. المي الموجودة بهالمنطقة فيها املاح بتساعد عل شفاء كتير من الامراض، منها امراض المفاصل، العضلات والجلد. هاد غير عن الراحة النفسية.
٢. حمامات ماعين
موجودة حمامات ماعين ع بعد ٥٨ كم من جنوب عمان و بتنخفض ١٢٠ م عن سطح الارض. فيها ٦٣ ينبوع بدرجات حرارة مختلفة.
فيه اوتيل ٥ نجوم اسمه Ma’in Hot Springs Hotel فيه منتجع متخصص بالمساج و الصحة العلاجية.
٣. البحر الميت
هي اخفض نقطة ع سطح الكرة الارضية والمنطقة الاكثر شهرة بالاردن. بيتميز البحر الميت بملوحته العالية اللي بتساعد على علاج الامراض الجلدية، و الطين اللي فيه املاح اللي بتساعد على العلاج كمان.
٤. حمامات عفرا
حمامات مياه معدنية , بتبعد ٢٦ كم عن الطفيلة، فيه اكتر من ينبوع بيشكل سيول و شلالات مليانة بالمعادن اللي بتشفي. وكمان بتتميز بعلاج العقم، تصلب الشرايين، فقر الدم، الروماتيزم، و كتير من الامراض المزمنة.