مدونة
احلى ٦ حمامات تركية بالاردن
كل حدا فينا من فترة للتانية بيحب يعمل حمام تركي عاصوله، بمحل بيوفرلك جو تركي واكيد مع ناس متخصصة بهالموضوع، هي احسن ٦ حمامات تركية بالاردن:
١- الف ليلة و ليلة
موجود بشارع المدينة المنورة، بيقدم حمام تركي على اصوله، بجو مميز، حلو وهادي. في عنده منطقة VIP، غرف سكر وواكس، جاكوزي واكيد مساج.
بيتوفر قسم خاص بالسيدات وقسم خاص للرجال. عنده عروض مميزة للمجموعات.
٢- حمام الباشا
موجود بجبل عمان – الدوار الاول ( شارع الرينبو ) بيقدم حمام تركي بعدة خيارات زي صابون الغار، الليف الابيض وغيره.
ممكن تاخد مساج هناك مع كاسة كركديه او فنجان شاي. عنده فترة البنات من ال ١٠ الصبح لل ٦ المسا، و فترة الشباب من ال ٦ المسا لل ٢ الصبح
٣- خان زمان
موجود بالشارع الموازي لشارع عبدالله غوشة. فترة البنات من ال ٩ الصبح لل ٥ المسا، فترة الشباب من ال ٥ المسا لل ١٢ الصبح. بيتميز المحل بعروضه الحلوة و المغرية. عنده حمامات مختلفة زي:
– حمام الاملاح
– حمام الزنجبيل
– حمام الاملاح مع القرفة
و طبعاً عنده حمام مغربي.
اكيد ما رح ننسى حمام العريس.
٤- حريم سبا
حمام للبنات بس، بيقدم حمام تركي، مغربي و shower party للعروس. بيتمتع باجواء هادية و خصوصية عالية. موقعه بخلدا- دوار السكر.
٥- حمامات المملكة
موجود بالجبيهة عند اشارات المنهل. عنده جاكوزي، بخار، مساجات و ماسكات للوجه. غير عن الحمام التركي باسعار حلوة مع ناس مختصين بهالمجال. عنده قسم للرجال و قسم للسيدات. بيفتح من ال ٩ الصبح لل ١ بالليل
٦- حمام كليوبترا
عنده جاكوزي، ساونا ، غرفة بخار. غير عن الحمام التركي من تكييس ، تلييف و مساج بصابون غار عأيد ناس مختصة. في عندهم استعداد لتجهيز العروس و العريس. في عنده عروض مميزة، موقعه بالصويفية.