تسلية ومغامرات
الاماكن اللي ممكن تقضي العائلات الويك اند بالاردن
كل العائلات هون بالاردن بتستنى يوم الجمعة عنار، اكيد مش مشان يضلّوا بالبيت، بالعكس بيحبوا يطُشّوا و يغيروا جو. هي شوي من الاماكن اللي ممكن تقضي العائلات الويك اند بالاردن فيها وقت حلو :
إقرأ أيضا: وين بتلاقي الكريسماس فايبز بعمان
١– الصالة الدمشقية – الفحيص:
كتير من العائلات عنا بيحبوا يبلشوا نهارهم بفطور حلو و متنوع عند حمادة الفحيص. بيتميز المحل بالمنيو المليان بالخيارات المتنوعة من مأكولات، مشروبات و اراجيل. هذا النوع من الطعام يناسب جميع الأذواق وحتى لو كان أولادكم لا يحبون تناول الطعام أو هناك بعض الاطعمة التي يفضلون عدم تناولها. في هذا المطعم سيجدون خياراتهم وذلك بفضل الاطباق المتنوعة التي يقدمها وترضي الكبار والصغار.
٢- البحر الميت – شاطئ عمان السياحي
بيتميز الشط بالدخولية الرمزية المناسبة لكل الاشخاص والفِئات. ممكن يقضوا وقتهم بالسباحة، الشَوي، نشاطات مائية مختلفة. طبعا مُزَوَّد بغرف الغيار المناسبة.
٣- حدائق الحسين
هي حديقة عامة موجودة بعمان، تُعتبر معلم بارز بعمان، فيها قرية ثقافية، ملاعب رياضية ، ساحة دائرية ، متحف سيارات ملكي واكيد مسجد الملك الحسين. بتتميز حدائق الحسين بالطبيعة الحلوة المليانة بالنباتات، الاشجار والمناظر الخلّابة. في كتير جروبات بتِجي مشان تعمل رياضة المشي والرياضة الصباحية بهالطبيعة الحلوة اللي بتتميز فيها الحديقة هاي.
٤– Green Field
موجود بطريق المطار، بيتمتع بطبيعة خلّابة مناسبة لقضاء اوقات عائلية طويلة، بيقصُدوها كتير للشَوي. كتير مناسبة للجروبات الكبيرة، وعندها استعداد للتجهيز لمناسبات مختلفة.
٥- Amman Waves
مدينة العاب مائية بالطبيعة الحلوة ، موجودة ع طريق المطار. فيها العاب مائية كتيرة و مختلفة لكل الاعمار . اسمه Amman Waves لانه فيه مسبح مهيئ يعمل waves من فترة للتانية. عنده عروض للجروبات.
6- المنتزهات: من أنسب الاماكن اللي ممكن تقضي العائلات الويك اند بالاردن
في بعمان كتير منتزهات بيقضوا العائلات عطلتهم فيها ، منهم:
– منتزه و مطعم نبع البحّاث
– حديقة الامير هاشم للطيور
– Japanese Park
– منتزه عمان القومي
– الحديقة الالفية
وانتو وين يتحبو تقضوا عطلة نهاية الاسبوع؟ وأي من هذي الاماكن زرتوها من قبل؟ واذا كنتم تعرفون اماكن أخرى يا ريت تشاركوها معانا في الكومنت.
إقرأ أيضا: أفضل 6 مطاعم البرغر في عمان