مطاعم ومقاهي
This article is also available in
.
Switch Language
ازكى مطاعم الشاورما بعمان
مين ما بيحب يغوص بوجبة شاورما ساخنة و مليانة بالتوم والبطاطا؟ كلنا بيخرب الدايت تبعنا لما نسمع كلمة شاورما!
و هاي ازكى ١١ مطعم بيقدملك ازكى شاورما:
١. شي شاورما
المحل اله عدة فروع ، في بشارع الرينبو، الدوار السابع، والرابية شاورمته زاكية كتير و طريقة تقديمها حلوة!
٢. شاورما ع صاج
الشاورما بتنعمل عالصاج نفسه، في خيارات كتير ممكن تزيدها عليها زي دبس الرمان والجبنة. في اله عدة فروع منها الويبدة، شارع عبدالله غوشة، شارع المدينة المنورة، شارع الرينبو ومرج الحمام.
٣. شاورما شنب
من ازكى الشاورما الموجودة بالاردن! بتتقدم بعدة طرق واشكال مع سلطات زاكية بنصحكم تجربوا شاورما البرايز عنده المميزة بشكلها و بهاراتها.
المطعم موجود بعبدون.
٤. شاورما الضيعة
من اقدم واعرق وازكى محلات الشاورما بالاردن. في اله عدة فروع منها عبدون، الدوار السابع، شارع عبدالله غوشة…
٥. شاورما الموصلي
كتير زاكية تاكلها وهي زي النار، بتشهي وموجود المطعم بشارع المدينة المنورة.
٦. شاورما وعجين
موجود بالويبدة، بتتميز انه بقدمها بخبز التورتيلا .
٧. خبزة و شاورما
موجود بالصويفية بيتميز انه الخبز بيعملوه بالمحل، يعني بكون فريش وبشهي.
٨. شاورما زرب
شاورمته بتنعمل عطريقة الزرب، كتير نكهتها مختلفة عن الشاورما العادية. اللي ما جربها بنصحه يجربها، المطعم موجود بالعبدلي مقابل البوليفارد.
٩. شاورما ريم
من اقدم مطاعم الشاورما بالاردن. بيقدم بس شاورما لحمة، موجود بالدوار الثاني و جد مش مزح ممكن تشم ريحة شاورمته من الدوار الاول.
١٠. شاورما السروات
في اله فرع بالجاردنز و جديد صار اله فرع بالدوار السابع. الشاورما عنده مميزة كتير وبتشبع.
١١. مطعم غيث
عنده شاورما بتتميز بطعم التوم اللي فيها، كتير رهيبة وزاكية، بيقدمها بكل انواع الخبز والكعك. موقعه بجبل الحسين.