مدونة
اماكن بتعلم الرقص بعمان
معروف الرقص انه من افضل انواع الرياضة اللي بتساعد على تخفيف الوزن و عمل الشكل المثالي للجسم. مو بس رياضة، كلنا بحاجة نتعلم كيفية الرقص لما نكون بالحفلات و الاعراس.
في بعمان كتير مدارس بتعلِّم الرقص بانواعه لمختلف الاعمار و للبنات و الشباب ، هي احسن ٥ منهم :
١- Tempo Dance Academy
موقعه بالدوار الخامس، قريب من مطعم Whispers. بيعطي كتير حصص رقص ، زي ال HIP HOP, SALSA, STREET DANC , BELLY DANCE و غيره. اكيد ما بينحصر لاعمار محددة، بالعكس بيعلّموا مختلف الاعمار هاد غير عن اعياد الميلاد الفخمة اللي بتصير فيه . بيفتحوا من ال ١٠ الصبح لل ١٠ المسا.
٢- Pulse Dance School
موقعه بالشميساني، بالقرب من زلاطيمو. بيعطي حصص salsa كل احد و ثلاثاء للكبار. وبيعلِّم salsa, hip hop & Zumba للاطفال كل اربعاء و سبت من ال ٥-٧ المساء. مش بس هيك، ممكن يدرِّبكم على رقصة العُمر اللي رح تُرقُصوها بعُرسكم .
٣- Roberto Dance Academy
موقعه بالدوار السابع. بيعلِّم حصص مختلفة من zumba, salsa, Latin Dance و غيره. كتير بيعمل عروض حلوة بمناسبات مختلفة. كمان عنده فعاليات حلوة بيعملها زي الرقص الهندي، رقص الباليه للاطفال و غيره.
٤- Freeway Dance Studios
موقعه بالوكلات بِيعَلموا فيها ال : Ballet, Hip Hop , Salsa, Break Dance & Wedding dance. بيعطوا الباليه من الصف الاول للصف الثامن. بِعملوا كمان حفلات و فعاليات رقص حلوة.
٥- The Tango Studio Jordan
موقعه بجبل الويبده، بيفتح من ال ٣ بعد الضهر لل ٩ المساء. من افخم المدارس اللي بِتعَلِّم التانغو عنا بالاردن، طبعاً للمُبتدئين و المُحترفين. في عندهم جداول مختلفة لايام محددة بالاسبوع بعلموك فيها التانغو.