أشياء نحبها
اماكن اعياد ميلاد للاطفال بعمان
كتير منفكر و مندَوِّر ع اماكن نسَوّي فيها اعياد ميلاد لاولادنا غير عن اعياد البيت، بعمان في كتير محلات بتسَوّي اعياد مع برامج حلوة و بتِبسِطهم ، هي ١٠ اماكن منها:
١-Party Buzz
موقعه بخلدا بالقرب من روان كيك. في عندهم العاب حلوة و مختلفة كتير للالولاد و قاعة حلوة مجهَّزة تجهيز كامل مع الشخصيات الكرتونية.
في عندهم فعاليات حلوة زي ال pedicure & manicure for kids. بيفتح من ال ١٠:٣٠ الصبح لل ١١ المسا.
٢-Tala Kids Club
موقعه بالصويفية – البركة مول. بيفتحوا من ١٠ الصبح لل ١٠ المسا عندهم العاب حلوة كتير، مختلفة وآمنة. مع تنظيم حلو لاعياد ميلاد مميزة.
٣- Fun Shake
من اكتر المحلات المميزة لاعياد ميلاد الاطفال. ممكن يكون العيد indoor او outdoor مع افكار حلوة و مُبتَكرة.
عنده نشاطات من عمر ال سنتين لعمر ال ١٢ سنة، منها:
Shake your imagination (من ال ٣ سنين لل ٦ سنين)
Shake and make crafts ( من ال ٣ سنين لل ١٢ سنة)
Outdoor fun balance (من ال ٣ سنين لل ١٠ سنين)
٤-Galaxy Park
طبعا اله عدة فروع اللي هي :
الصويفية – جاليريا مول
شارع المدينة المنورة – مرجان مول
المدينة الرياضية – المختار مول
الزرقاء الجديدة.
عندهم العاب لمختلف الاعمار مع فرصة لاعياد ميلاد حلوة و مميزة ،ممكن يستمتعوا الاطفال باللُّعُب بعدين بِحتفلو و برجعوا يكملو لُعب، مع ناس بتِشرِف عليهم اكيد.
٥- Jingos Jungle:
موقعه بالسيتي مول. عنده برامج لاعياد الميلاد مع اللُّعب على العاب الفيديو و العاب تانية لمختلف الاعمار.
المكات بِعمل كل فترة عروض مختلفة و مناسبة كتير.
٦- Lollihop
من اكبر و افخم و اجدد اماكن الالعاب الداخلية بعمان. بيقدم باكِجات مختلفة لاعياد الميلاد
ما رح ننسى الالعاب المختلفة متل ال :
Trampoline ,volcano slides, shooting ball guns و غيره كتير من الالعاب المناسبة لاعمار مختلفة.
٧- متحف الاطفال
موجود بحدائق الملك حسين. بفتح من ال ١٠ الصبح لل ٦ المسا.
ممكن الاولاد يحتفلوا بالعيد بعد ما يستفيدوا ، يتعلَّموا و يلعبوا بالمتحف.
٨- Gravity
موجود بمكة مول. بيعمل اعياد ميلاد حلوة و مميزة مع العاب مختلفة.
طبعا مع اشراف كبير من المدربين.
٩- Jungle Bungle
موقعه بمكة مول. بيعمل اعياد ميلاد مع فرصة اللعب بالعاب حلوة و مختلفة.
طبعاً الاولاد بكونوا تحت الاشراف و المتابعة.
١٠- The Little Gym
جيم للاولاد الصغار، بيعمل اعياد ميلاد نغشة و حلوة مناسبة الهم.
موقعه بشارع مكة.