أشياء نحبها
This article is also available in
.
Switch Language
اماكن التخييم بالاردن
كتير مرّات منحب نروح اماكن غير عن الاوتيلات، منحب نستمتع بالطبيعة، الشَجَر، الطيور، ريحة الارض. في كتير اماكن كتير مِنّا ما بِعرَفها موجودة بِعَمّان مُمكِن نروح نخَيِّم فيها، منها:
١- مُخَيَّم الرُمانة
موجود ب ضانا، بيبعد ٣٤ كم عن قلعة الشوبك، بستضيف اشخاص وجروبّات. بيقدم بوفيه فطور متنوع، غذاء وعشاء شرقي.
كتير ناس بِروحوا مِشان يبعِدوا عن الضجّة ويِستَمتِعوا بالطبيعة.
٢- Al Nawatef Camp
بيبعد ٥ كم عن قرية ضانا، يُعتَبَر مكان صديق للبيئة. ممكن تعيش الحياة البدوية بهالمنطقة، بيعمل كتير من رحلات السير القصيرة و الطويلة حسب الارادة. موقِعه كتير حلو ومُطِل.
٣– Candles Camp
موقعه بوادي رم، فيه مناطق للاكل، مناطق للقعدة والترفيه. بيقدم بوفيهات غنِيّة، كمان مُمكن ترتب نشاطات زي ركوب الجمل، رحلة الجيب، المشي و حضور شروق الشمس او غروبه، النوم بالليل عالارض وعد النجوم.
٤- مخيم عجائب الدنيا السبعة
هي عبارة عن اقامة تقليدية بوادي موسى، بيوفر خدمات حلوة زي خدمة الايقاظ، مكتب سياحي، محل هدايا وتذكارات.
ممكن تعمل نشاط ركوب الخيل. في كتير مطاعم ومقاهي بالقرب من المخيم. بيبعد عن البتراء مسافة بسيطة بالسيارة.
٥- مخيم الصخرة
موجودة بمنطقة البتراء، وادي الموسى، قريبة من منطقة البيضا. جو الخيم والاكل عنده جو بدوي ١٠٠٪.
٦- مخيم بيت علي
موجود داخل وادي رم، بيتميز ببركة سباحة موسمية ، بيقدموا خيم وشاليهات بدوية حلوة. بيقدم الاكل الشرقي واكيد ما رح ننسى الزرب التقليدي.
٧- Golden sands camp
مخيم الرمال الذهبية موجودة على بعد ٤٫٥ كم من وادي رم. ضيوف المخيم ممكن يستعملوا خدمة النقل إلى المطار.
كمان عندهم خدمة استقبال على مدار ٢٤ ساعة وخدمة الغرف. موجودة على بعد ٤٤ كم من شاطئ العقبة الجنوبي.
٨- Captains Camp
موجود على بعد ٤٩ كم عن Aqaba Fort. في عندهم خدمات تأجير سيارات لاستكشاف المنطقة. عندهم منطقة خاصّة للتشميس. كمان عندهم أنشطة وألعاب رياضية مثل الرحلات على الأقدام ولعبة رشق السهام.