٤ هدايا للمغترب الأردني

بطبيعتنا كشعب اردني بنحب السفر والتعرف على الثقافات الثانية كثير. ورغم كل الظروف المادية او النفسية اللي بنمر فيها إلا انه كل واحد فينا إله اخ، اخت، ابن عم، او حتى صديق مغترب، بنروح عنده لنغيّر جوّ وهو كمان ما يحس بالغربة. ولحتى نخفف عليه مرارة الغربة بناخدله هدايا اتذكره ببلدنا الحبيب، وأهم هالهدايا واللي ما بتلاقيها غير بالأردن:

١. جميد

الجميد هو المكون الأساسي للمنسف. ولأنه المنسف ما بكون منسف بدون الجميد البلدي، لازم يكون أول وأهم هدية بياخدها الأردني معه لما يسافر، ومش بس هيك ممكن ياخد معه كمان ٢ كيلو لحم بلدي حتى يطبخ عليه المنسف تاني يوم بيوصل! وصحتين على قلبكم.

٢. جبنة خضرا و لبنة جرشية

اللي همه جبنة بيضة طرية و لبنة من جرش. وهالشغلتين بالذات لازم يكونوا على سفرة الفطور والعشا دايماّ وللأسف مش متوفرين غير بالأردن، لهيك بياخدهم الأردني معه كهدية للشخص اللي رايح عنده يّونسه ببلاد الغربة.

٣. حلويات مشكلة