أشياء نحبها
This article is also available in
.
Switch Language
إذا إنت من محبين رياضة المشي… فهاد المقال إلك!
كتير منا بحب رياضة المشي وبفضلها على إنه يلعب رياضة في مكان مغلق ومليان ناس، والأهم من هيك في المشي ما رح يكون عليك مصاريف زيادة كل شهر، لأنه الجيم أحياناً بكون غالي وفوق طاقتنا وزيادة على مصروفنا، بس المشكلة منسأل حالنا بعمان وين نمشي ومتى؟
شارك مع مجموعات المشي
في عدد كبير من مجموعات المشي الموجودة بعمان واللي بنظموا رحلات بشكل أسبوعي وأحياناً بشكل يومي، بتقدر تلاقيهم على الفيسبوك أو الإنستغرام ومنهم مجاني ومنهم ممكن يطلب منك مبلغ معين، والأهم من هيك انه الحلو في هاي الرحلات إنه من خلالها بتقدر تتعرف على أصحاب جداد، وتشوف أماكن كتير حلوة في عمان وفي محافظات تانية، وفي نفس الوقت عن طريقها رح تهتم بصحتك، ومن هاي المجموعات walking Jordan و walking club Jo وغيرهم في كتير.
لو بيتك قريب… إمشي!
إذا كان بيتك قريب من مكان شغلك أو مكان دراستك إمشي ولا تهتم بحكي الناس أبداً، بس عليك إنه تصحى أبكر شوي عن دايماً، هاد الإشي مش بس رح يخلي صحتك أحسن، ورح يوفر من مصروف جيبتك ويحسن نفسيتك كمان!
إصحى بكير وروح عالحدائق
كلنا منعرف إنه عمان كتير أزمة والحل الوحيد مشان نتفاداها هو إنه نصحى بكير ونبدأ يومنا قبل بساعة من المعتاد، وممكن نروح على حدائق الحسين في شارع المدينة الطبية ونمشي نص ساعة زمان قبل بداية الدوام، وبس نتعود على الصحوة بكير ممكن نزيد وقت المشي شوي شوي!