مطاعم ومقاهي
This article is also available in
.
Switch Language
ازكى المطاعم الهندية بعمان
يُعتبر الاكل الهندي من ازكى الاكلات الموجودة بالعالم، كتير مرّات منحب انَّوِّع بالاكل و نروح عند الطعم الهندي. بعمّان في كتير مطاعم بتقَدِّمِلنا اكل هندي على اصوله، هي ازكى ٨ منهم:
١- مطعم تشاباتي (الصويفية)
بيتميز بالتنوع بالاكل الهندي اللي عنده. من شاورما لفُخّارات للاكل البحري اللي معمول على الطريقة الهندية المُميّزة. مش ضروري يكون الاكل حار كتير، ممكن تطلب درجة الحرّ بالنسبة اللي انت بدك ياها و بتناسبك.
٢- المطعم الهندي (دوار الثالث، شارع الامير محمد)
من اقدم واعرق المطاعم الهندية الموجودة عنا بعمّان. بيقدم اكل متنوع من الاكل الهندي على اصوله.
٣- مطعم ماسالا الاردن (فندق الميلينيوم- الشميساني)
افتتح عإيد سفيرة الهند. بيتمتع بالطعم الهندي الاصيل و بيتميز بالتوابل اللي جايبينها خِصّيصاً من الهند للاردن . كمان الطبّاخين هنود، يعني الجو كُلّه عبعضه هندي ١٠٠٪.
٤- مطعم راكون الهندي (دوار الواحة)
بيفتح من الساعة الضهر١٢ لل ١١:٣٠المسا. بيشتهر بالبهارات و التوابل الزاكية اللي بتميِّز الاكل عنده. عنده لحمة، دجاج و سمك…طبعاً كله عالطريقة الهندية.
٥- Tandoor Grill (شارع المدينة المنورة)
عنده عروض عائلية و فردية توفيرية. كمان بيتميز بتوابله الزاكية.
٦- Tandoori Oven
هالمطعم بيوفرلك جو هندي كامل من اكل لطبيعة مكان ، طريقة تقديم و غيره. عندهم lunch and dinner offers. كمان عندهم حلويات هندية
٧-مطعم شهريار (الشميساني – شارع الثقافة)
بيفتح من ال ١٢ الضهر لل ١٢ المسا. بيتميز بالخيارات المتنوعة. عنده خدمة التوصيل
٨- جامو كشمير (شارع المدينة)
بيفتح من الساعة ١٢ الضهر لل ١٢ المسا. مناسب للعائلات. اكله متنوع و متميز بالتوابل