مطاعم ومقاهي
ازكى المطاعم اللي بتقدم الاكل اللبناني على اصوله بالاردن
مين ما بيحب التبولة مع اليالنجي (ورق العنب) والمازات اللبنانية اللي ما بتخلص. بالاردن في كتير مطاعم بتقدملك اكل لبناني مع اجواء عائلية وحلوة، منها:
١. مطعم ام خليل
هالمطعم اله فرعين فرع بجرش و فرع بالدوار الثاني, من ازكى المطاعم اللي بتقدم اكلات لبنانية على اصولها.
٢. وتر زرياب
كتير بيقدم اجواء عائلية و سهرات طربية حلوة كتير مع اكل ومازات كتير زاكية. المطعم موجود بالفحيص.
٣. كرم بيروت
المطعم اله فرع بلبنان، السعودية، الامارات وبالاردن فرعه موجود بين الدوار الثاني والثالث. كتير اكله زاكي وجوه حلو.
٤. قمر لبنان
من احلى الاجواء والسهرات اللي ممكن تقعد فيها مع اطيب الاكلات والمازات اللبنانية. المطعم موجود بالفحيص.
٥. مطعم فخر الدين
مطعم ماكولات لبنانية بالدوار الاول بيقدم اكل صحي مع اكتر من مائة صنف من الاكلات اللبنانية. هو من افضل المطاعم في الاردن والمنطقة.
٦. لقمة عالكانون
المحل كتير حلو واكله زاكي موجود بشارع البكالوريا. بيقدم اشهى والذ الاكلات اللبنانية والشرقية واجواء السهرات العائلية الحلوة.