مطاعم ومقاهي
This article is also available in
.
Switch Language
اشهر مطاعم الاكل الخليجي بالاردن
كتير مرات منحب انَّوِّع بالاكل و نروح للطعم المليان بالبهارات و النكهة الخليجية .. بالاردن في كتير مطاعم بتقدم اكل خليجي،، هي ازكى ٦ منهم:
١- مطعم باب اليمن
هالطعم موجود بخلدا بالقرب من الدر المنثور. بيتميز المطعم بالمندي ، البرياني ، الدجاج المتبل بالنكهة الخليجية. يعتبر المندي باللحمة من ازكى الاطباق عنده. خدمة التوصيل متوفرة.
٢- مطعم الداخون
هالمطعم اله فرعين ، فرع بابو نصير و فرع بعين الباشا. بيتميز بالاكل الخليجي و اليمني. مش بس هيك..كمان عنده استعداد لتجهيز العزايم و المناسبات. تعتبر الكبسة من ازكى الاطباق عنده.
٣- مطعم الرز العربي
بيتميز المطعم بالنكهة الخليجية و اليمنية ..التوابل الخاصّة بالمندي و البرياني عأصوله. هالمطعم عنده خدمة توصيل و موجود بضاحية الياسمين. ويعتبر البرياني بالدجاج من اكتر الاطباق الزاكية عنده.
٤- مطعم باب مكة
موقعه بالجبيهة. بيتميز باطباق المندي ، البرياني و كمان المنسف. في عنده عروض توفير فردية و عائلية مناسبة كتير. خدمة التوصيل متوفرة.
٥- مطعم ركن قصر المندي
بيشتهر بكافة انواع الاكل الخليجي. ما في عنده طبق مش زاكي و تخصصه الرئيسي بالمندي. عنده توصيل في عمان، الزرقاء و المفرق. في اله ٣ فروع : مفرق، زرقاء و جبيهة.
٦- مطعم جاج ع حجر
موقعه بالجبيهة. بيقدم اكل خليجي مختلف ،، البرياني من ازكى الاطباق. بتميز باسعاره المناسبة جدا. عنده كمان خدمة توصيل.