كيف بصيروا الأردنية آخر الشهر

كل يوم بيوموا ليجي أول الشهر.

من بعد الصرف والبعزقة أول الشهر كيف بصيروا الاردنية آخر الشهر؟

١. بدل ما تروح تفتح سفرة أكل بالمطعم بتصير تاخد شي تشربو أو بتنسى وجود المطاعم كلها من هون لأول الشهر.

٢. لما أصحابك يفكروا يمشرعوها آخر الشهر بتحس حالك بكوكب تاني وأكيد بتتهرب من الموضوع وبتنعزل عن الكل.

٣. آخر أسبوع من الشهر بتصير تشوف أهلك كل يوم وأكيد أمك بتتفاجأ فيك كيف بتصير تتغدى وتتعشى من أكل البيت.

٤. أكيد آخر الشهر بتحس حالك خافف شي ٥ كيلو ومورمين إجريك عالمشي هيدا كلو لتوفر بانزين وباركينغ وتاكسي.

٥. مش معقول حدا يسألك آخر الشهر اذا بتروح سينما لأن رح يكون جوابك منحضر فيلم بالبيت أكيد أحلى.

٦. آخر الشهر بصير كل الناس بدها منك مصاري الخضرجي، الدكنجي، أهلك، أصحابك وأكيد البنك.

٧. آخر الشهر بتصير تحسب خطواتك وبتصير تكتب كل شي بتدفعوا وتقسم مصروفك.