مدونة
سالي عوده
This article is also available in English. Switch Language

تعرَّف عنوادي بتعلِّم كرة القدم للاولاد بالاردن

بهالعطلة الصيفية طاقة اولادنا بتزيد بيصيروا بدهم يكسروا البيت وهِنِّ بلعبوا باي اشي بِلاقوه بوجِهم و من الافضل استغلال هالطاقة و الحَماس بأشياء حلوة و مفيدة بممارسة الالعاب الرياضيّة المختلفة واهمهم كرة القدم. تُعتَبر كرة القدم من احلى واهم انواع الالعاب الرِياضيّة اللي ممكن نلعبها و نِتقَدَّم فيها، وكتير لازم نرَكِّز عاولادنا من صِغَرهُم اذا بِحِبّوا يلعبوها لانه متل ما كلنا منِعرف انه هالرياضة بِدها تأسيس وتركيز من الاعمار الصغيرة حتّى يِتعَلَّموا الاساسِيّات، في بالاردن نوادي بِتعَلِّم كرة القدم بِطريقة مُحترفة، هي ٦ منهم:



اكاديمية مانشستر الرياضية لكرة القدم



بستقبلوا اعمار بين ال ٤ سنين و ال ١٦ سنه، هدفهم تدريب اللاعبين الاساسِيّات من الصِغَر حتّى الدورة و توزيع اللاعبين المُمَيَّزين على اكبر اندية عمان، بِتمَيَّزوا بالامن، بِعملوا التمارين في ملاعب يرموك.



الاكاديمية العالمية لكرة القدم



بِكزوا على كافة الجوانب ( التربوية، السلوكية، النفسية و طبعاً على اتقان المهارات الرياضيّة المطلوبة) بِعملوا التدريب بنادي اليرموك. الاشتراك الشهري ٥٠ دينار و في مواصلات حسب الرغبة.



Jordan Lion’s Soccer Academy



في عندهم دورة بعملوها ايام السبت، الاثنين و الاربعاء من كل اسبوع، الدورة عبارة عن ١٢ ساعة تدريبية ، بستقبلوا اعمار بين ال ٤ سنين و ال ١٧ سنة، عندهم بطولات داخلية و خارجية.



F.A Amman United Football Academy



بستقبلوا الاعمار بين ال ٥ سنين – ١٦ سنه ، عندهم مُدَرِّبين محترفين من حَمَلة اعلى شهادات الاتحاد الآسيوي والفيفا، عندهم كمان مُعالج طبيعي و خبير تغذية برافقوهم دايماً وغير هيك عندهم رحلات ترفيهية، موقعهم بالمدينة الرياضية.


Falcon Football Academy



بكونوا الاطفال تحت اشراف نخبة من المدرِّبين المحترفين و اهمهم اللاعب المحترف يحيى جمعه، بستقبلوا الفئات العمرية ما بين ال ٥ سنين و ال ١٧ سنة، بيعملوا التدريب بمنطقة تلاع العلي.


S17 Soccer Academy



بستقبلوا الاعمار من ٤ سنين – ١٥ سنه باشراف افضل المدربين الحاصلين على شهادات تدريب من الاتحاد الآسيوي باسعار منافسة ومناسبة للجميع، بعملوا التدريب بمداس المعارف- خلدا.

مقالات ذات صلة