قوائم
محمد كمال

عّدة أمور بتأهلك تكون من رّواد جبل اللويبدة (الويبديين)!

جبل اللويبدة في عمّان مش زي أي مكان ممكن انك تتأقلم فيه بسهولة أو تكون من رواده وع ّشاقه! وإذا ما فيك بعض أو كل هاي الصفات أو حتى

الأفكار فانت شخص مش “ويبدي” حقيقي ّ:

١. لازم يا يكون شعرك طويل ورابطه أو بتلبس طوق، أو إنك أصلع تماما، وعالحالتين لازم يكون عندك لحية طويلة.

٢. ذوقك الموسيقي والفني عامل مهم جدا! لا بد يكون عندك موهبة فنية (عزف على آلة موسيقية معينة) أو عالأقل ذوق فني محدد. يعني مثل (فيروز، ماجدة الرومي، جوليا بطرس، مارسيل خليفة، محمد منير، فايا يونان، مشروع ليلى، المر ّبع، أوتوستراد) لازم يكونوا على الـ playlistتاعتك دايما ومهتم انك تحضر حفلاتهم “اذا” اجوا عالأردن.

٣. المشروبات الكحولية لازم تكون عندك فكرة عنها وما عندك مشكلة بتق ّبلها حتى لو ما بتشربها.

٤. احتساء القهوة.. احتساء القهوة.. احتساء القهوة، هاد اشي أساسي ومهم جدا وضروري انك تحتسيها مش تشربها!

٥. بتحب القرآءة أو ما بتحبها بدك تكون ملم فيها أو تتظاهر انك بتحبها. وخاصة كتب الفلسفة والتاريخ وعلم النفس!

٦. طريقة سلامك ع اصحابك مش لازم تكون بالطريقة الروتينية، يعني اذا مش “حضن” لا منك ولا من سلامك!

٧. يفضّل انك تكون بتدخن، واذا بتدخن دخان لف بكون أفضل!

٨. مطل اللويبدة بدك تكون حافظه وإلك ذكريات فيه سواء منيحة أو عاطلة!

٩. وأخيرا، رواد وسكان المنطقة عرب وأجانب هم أشخاص ودودين جدا، حلو انك تكون بتعرفهم كلهم أو جزء كبير منهم.

تحققت فيك نسبة كبيرة من هاي الشروط؟ )إذن انت ويبدي بإمتياز(. إذا أل ف معها معها بتصير، بس بدك تشتغل ع حالك منيح…