قوائم
شروق المغربي
This article is also available in English. Switch Language

طقوس الأردنيين في عيد الأضحى

العيد ع البواب و اكيد في طقوس للعيد بمارسها الأردنيين ، راح نحكيلكم هاي الطقوس.

وسط البلد

كل الأردن بتلاقيها بوسط البلد قبل العيد ليشتروا مستلزمات العيد و يوم الوقفة بتلاقي الشوارع ازمة لدرجة انه سواقين التكاسي بس تحكيلهم وسط البلد بتجنبو يركبوك معاهم.

كعك العيد

الأردنيين بنقسمو قسمين بالعيد ، قسم بعمل الكعك بالبيت ، و قسم بشتري الكعك جاهز من محلات الحلو اشهرها حلويات حبيبة و زلاطيمو.

الحلاق

الحلاق ليلة العيد بكون فل و بضل فاتح للفجر و الناس بتكون واقفة طابور عباب الحلاق.

المولات

المولات بعمان قبل العيد بعشر أيام بتكون أزمة و بتضل فاتحة لوقت متأخر من كتر العالم الي بتشتري اواعي.

خاروف العيد

كل منطقة بعمان بكون محددين الها مكان لبيع الخواريف للعيد.

المحامص

المحامص بالأردن اشي أساسي بالعيد ليشترو منها الأردنيين القهوة السادة و الشكولاته.

صلاة العيد

صلاة العيد بتبلش الساعة سته و نص الصبح و كل منطقة بتجمعو أهلها عند المسجد و بصلو العيد و ببلشو تكبيرات العيد و الجيران بعيدو على بعض و بجتمعو بصلاة العيد.