مدونة
شروق المغربي
This article is also available in English. Switch Language

شو يعني ١ ٩ بعمان؟؟

في كتير تغيرات بتصير بشهر تسعة لتخليه مميز عن باقي الشهور، من ضمن هاي التغيرات .

المدارس – طبعاً ١/ ٩ بداية العام الدراسي الجديد في المملكة و بكون الطلاب جزء متضايق لانها بلشت المدارس و راح يودعو السهر و الحرية و النشاطات الصيفية، و جزء بكون مبسوط لانه زهق من العطلة و ما صدق ايمتى تخلص .

بالليل بتلاقي البيوت بلشت تطفي بكير لانه الكل صار ينام بكير عشان الدوام و السهر بخف و الهدوء بعم الأردن .

بشهر تسعة بتكون نهاية الالتزامات المالية عند الشعب الأردني من موسم الأعراس و مباركات النجاح بالذات التوجيهي و موسم الأعياد و إلتزامات شهر رمضان المبارك ، و غير هيك بكونو خلصو من رسوم المدارس و اللوازم المدرسية .

بتلاقي بعمان الكافيات بلشت تفضى مو زي بالصيف بتكون فل و كلها حركة ، و الأزمة بتخف بالشوارع بالمسا بشكل ملحوظ و بتزيد الأزمة بيوم الخميس كونها نهاية الأسبوع .

المغتربين ببلشو يسافرو و يودعو اهاليهم و بس تروح على دائرة الأحوال المدنية بتلاقيها مسكرة من كتر الناس الي بدها تسافر.

وطبعا السنافر ببلشو يحضرو حالهم لمرحلة جديدة بحياتهم الي هي المرحلة الجامعية و طلاب الجامعات بستعدو للدوام بالجامعة.

وأخيرا الطقس بتغير كونه أخر شهر تسعة بداية فصل الخريف و بنبلش نودع الصيف و أجواءه الحلوة .

مقالات ذات صلة