شو بيسمعوا الاردنيين بالخارج

فش احلى من الوطن، قد ما قعدت برّا الاردن بالاخر رح تعرف انو ما الك غير بلدك. و بهالسنين لي بتقعد فيها برّا بلدك، أكيد بتكون سمعتلك وحدة من هالجمل :

1. شو يعني جميد؟

الجميد من ازكى الأشياء لي ممكن تدوقه بحياتك ، و بينفعش المنسف بلاه

2. انا دايق المنسف عجاج

وهون بدك تشرحلو انو المنسف لازم بلحمة وعنّا اغنية عن هالموضوع

3. شو يعني كنافة خشنة؟

والله مساكين لي ما عندهم نوعين من الكنافة ياكلو

4. بدي اوصيك على زعتر

كل مغترب بيعرف الشعور بس يروح عالاردن ويرجع معو كياس زعتر يوزّعها عالحبايب

5. جاي عبالي ازور الاردن

هون منتحمّس كلنا ومنصير نحكيلهم عن جمال الاردن وشو ممكن يعملو باجازتهم عنّا