قوائم
احمد سميري
This article is also available in English. Switch Language

مواقف بيعرفوها الاخوة الاردنية

في احلى من انو الواحد يتربّى مع اخوة؟ حدا بشاركك الحياة وبضل واقف جنبك طول عمرك, بس بحياتك معو بتلاقي حالكو بمواقف ما فيك تهرب منها

1. لمّا امّك بدها ياك تطلعوا معاك

بتكون انت محضّر حالك تشوف البنت لي من اسبوع اخدت رقمها وبالآخر بتنبلي بأخوك الصغير

2. الطوشة بعد ما تخسر عالبلاستايشين

وعكبر بتتذكروا هاي الطوش وبتسألوا شو كنتو بتحسّوا

3. لمّا ما يكون معو مصاري بالمدرسة وبقول للدكنجي يحطها عحسابك

وبتروح عالدكانة بتلاقي متراكمة عليك ديون العيلة كلها

4. بس تطلع بالسر من البيت و يمسكك

هون ببلّش الاستغلال وفعل المستحيل عشان ما يقولش لاهلك

5. الطوش مع القرايب انتو وصغار

انا و اخي على ابن عمّي وانا وابن عمي عالعدو

6. بس حدا فيكو يتجوّز ويطلع برّا البيت

وكل اللحظات الحلوة والبشعة اللّي عشتوها مع بعض بترجعلك لمّا يترك البيت ويشوف حياته.