قوائم
This article is also available in
.
Switch Language
٧ متاحف بالأردن لازم تزوروهم
في لحظات احنا ما عشناها او عشناها عالتلفزيون و قرأنا عنها بمكان ما، و مشان هيك في كثير ناس بتحب تزور المتاحف عشان جد يحِسّوا في هاللحظات المهمة لأنه احسن وسيلة تجربة هي بالنظر الفعلي للاشياء:
<div class=”listicles-ar”> <div class=”listicles-nb”> <div class=”listicles-nb-single”>١</div> <div class=”listicles-nb-main”>من ٧</div> </div> <div class=”listicles-ar-title”> <div class=”listicles-title-box”> <span class=”listicles-title-span”>متحف الدبابات الملكي</span> </div> </div> </div>
فتح جديد و موجود بحدائق الملك عبدالله الثاني بمنطقة المقابلين. فيو تقريبا ١١٠ دبابة و مدرعة اردنية وعالمية و منهم اليات كان الها دور بمعارك الحق والبطولة اللي خاضتها القوات المسلحة الاردنية – الجيش العربي حسب التسلسل الزمني من سنة ١٩١٥. هالمتحف من اهم متاحف الدبابات في العالم و الاولى في المنطقة. يعني متحف عسكري بَحْت للي بيحبوا الاشياء العسكرية و الاسلحة.
٢
من ٧
متحف السيارات الملكي
موجود هالمتحف في حدائق الحسين بمنطقة دابوق و فيو بتاخذ فكرة عن تاريخ الاردن الهاشمي العصري و عن حياة المغفور له – الملك الحسين بن طلال – و ابرز جوانب سيرة حياته من خلال السيارات الموجودة اله، بالإضافة الى تاريخ المملكة من عهد الملك عبدالله الاول الى الملك عبدالله الثاني. مهووسين السيارات رح يموتوا بهالمكان.
٣
من ٧
متحف الآثار الاردني
هالمتحف موجود ع جبل القلعة و افتتح سنه ١٩٥١. فيو مجموعات من الادوات و الآثار المكتشفة في المواقع الاثرية في جميع انحاء الاردن و منها القطع الفخارية، الزجاجية، الصوفية و المعدنية بالاضافة الى تماثيل، قطع نقدية، مخطوطات و جواهر، زخارف مرتبة حسب التسلسل الزمني ابتداء من٦٠٠٠ ق.م. متحف تاريخي للي بيحبوا التاريخ و تعلم الثقافة.
٤
من ٧
متحف الحياة الشعبية و المتحف الشعبي الاردني للحلي و الازياء
موجود في القسم الغربي و الشرقي من المدرج الروماني و معروض فيه اشياء بتمثل الحياة في الاردن بمختلف ثقافاتها المتنوعة و ابراز التراث الشعبي القديم. جمّع هالمتحف اغراض من التراث الشعبي الاردني و الفلسطيني لحمايتهم و حفظهم للاجيال القادمة. اللي بيحب الازياء رح يحب المكان لأجل المطرزات اللي عندهم بالاضافة للثقافة العميقة اللي رح يكتسبها الزائر.
٥
من ٧
المتحف الوطني الاردني للفنون الجميلة
هالمتحف موجود بجبل اللويبده و معروض فيه تقريبا الفين عمل من انتاج ٥٢٠ فنان اردني، عربي و عالمي من ٤٣ دولة مختلفة. واضحة مين رح يحب هالمتحف، الفنانين و الفنانون و الفنانات…
٦
من ٧
متحف الاطفال
موجود هالمتحف في حدائق الحسين بمنطقة دابوق. هاد المتحف مصممينه لكل الاطفال حتى العمر ١٤ سنة ليشجع الابتكار و الفضول و حب الاستكشاف عندهم. اهم شي انه عندهم قاعة حفلات للاطفال الى جانب العديد من القاعات و الصالات. زِتّ الاولاد بهالمتحف و حرِّك حالك عالمول اللي قباله. ما رح يحِسّوا بالوقت لانهم رح يلتَهوا بالساعات فيه.
٧
من ٧
متحف الحياة البرلمانية
هالمتحف موجود عالشارع بين الدوار الاول و الثاني. المبنى نفسه كثير مهم كونه المكان اللي شَهِد اعلان الشهيد الملك عبدالله الاول ابن الحسين استقلال المملكة الاردنية الهاشمية في ٢٥ ايار١٩٦٤ بالاضافة الى انه شهد اداء اليمين الدستورية للمغفور لهم – الملك طلال بن عبدالله و الملك الحسين بن طلال – و بحكي المتحف قصة الحياة البرلمانية و انجازات الاردن و ابرز الادوار اللي قام و لسا بيقوم به رجالات الاردن من تأسيسها لليوم. يعني متحف سياسي للي بيحبوا السياسة.