قوائم
شروق المغربي
This article is also available in English. Switch Language

من الكستنا للسحلب شوفو عادات الأردنيين بالشتا

مع العواصف إلي فعمان حالياً، حبينا نذكركم ب عادات الأردنيين في فصل الشتا.

• الشماغ الأردني

بالشتا بتلاقي الشباب لفين الشماغ على كتافهم عشان البرد بدل اللفحة.

• السحلب

السحلب بنتشر في كل محلات القهوة و الكافيات بالشتا و بتلاقي الناس بالشارع بتشربو اكتر من القهوة.

• كعك الشاي

الأردنيين في الشتا بشترو كعك الشاي تحديدا من المخابز بالبردات عشان يكنكنو في الشتوية.

• الكستنا

بالشتا الأردنيين بشوو الكستنا يا عالصوبة او بمنقل الفحم بشكل كبير بالشتا يعني الكستنا المفضلة عند الأردنيين.

• الفروة

الفروة عبارة عن لباس بدوي اردني بنلبس بالشتا كتير خميل و بدفي و بتلاحظ الشباب بالذات بلبسو لما يطلعو عالدكاكين كونه لبسه سهل و ما بغلب.

• الصوبة و التلفزيون

طبعا غرفة الجلوس بتكون الغرفة الي بتجتمع فيها العيلة لانه فيها الصوبة و التلفزيون و بتلاقيهم هاجرين البيت كله و متجمعين بغرفة الجلوس عشان الكنكنة و الدفى.

• شوربة العدس

شوربة العدس تعتبر وجبة تقليدية عند كل عيلة اردنية و ما بستغنو عنها بالشتا.