قوائم
في زمن الكورونا ! اليكم بعض الأنشطة لتعملوها بالبيت
بعد ما أعلنت منظمة الصحة العالمية انه الكورونا وباء عالمي، اغلب الأردنيين صارو يفضلو يقعدو بالبيت بدل ما يطلعو و يقضو وقت و كونها الحكومة عم بتعمم التعطيل و حالات الكورونا عم بتزيد شوفو شو تعملو بالبيت عشان تقضو وقت و تسلو حالكم شوي و تخففو من الضغط النفسي الي عم بنعشو بسبب الكورونا.
“Netflix”
موقع Netflix اشهر موقع للبرامج و المسلسلات و الأفلام، فرصة انك اتابع أفلام اجنبية و تطور من انجليزياتك و كمان في مواقع كتير مجانية عربية بتعرض أفلام اجنبية وهندية وتركية مترجمة وأحدث الأفلام زي موقع فوشار وسينما كلوب.
طور مهاراتك
اذا عندك مهارة طورها واشتغل عليها وكتير راح تستفيد.
مارس الرياضة في البيت
اوك الجيم سكر بس في فيديوهات للرياضة عاليوتيوب و لكوتشيز كتير مناح ومعروفين.
فرصة تقعد مع اهل البيت
الشغل واللايف ستايل خلو الاهل بعاد عن بعض لو كانوا بنفس البيت فهاي فرصة تقعد مع اهلك و تقضي معهم وقت اكتر.
اتباع نظام غذائي صحي
بما انه المطاعم راح تسكر فرصة انك تتبع نظام غذائي صحي و تبعد عن الارجيلة.