٦ أنشطة تعملوها مع ولادكم وقت الحظر

في الوقت اللي المدارس والاشغال مسكرة والاولاد بالبيت كإجراءات احترازية للوقاية من الكورونا ضمن خطة الدولة، أكيد كلنا منحس بالملل.

كيف فينا نقضي وقت مفيد للعيلة ونستفيد مين هاي الفترة؟ احنا حنقلكم عن عدة نشاطات بسيطة بتقدروا تعملوها مع ولادكم:

١- ألعاب الأفلام:

هاي من أكتر الألعاب المشهورة اللي ممكن تلعبوها مع ولادكم وهتنمى عندهم التفكير وقدرتهم على التعبير عن أفكارهم.

٢- اقرؤوا سوا:

ممكن تجيبوا قصص وبدل ما انتوا تقرؤها لولادكم، هم اللي يقرؤها، واتناقشوا بعد ما تخلصوا عشان يتعلموا من التجربة.

٣- اتفرجوا على فيلم:

اختاروا فيلم جديد واتفرجوا عليه كلكم سوا، وما تنسوا البوشار.

٤- ارسموا و لونوا:

هادا النشاط بخليهم يفجروا طاقتهم بشكل إيجابي ويطلعوا ابداعاتهم.

٥- اطبخوا سوا:

شوفوا أكلة بيحبوها وعلموهم كيف يعملوها واطبخوا سوا. حتى لو عملتوا أكل صحي، رح يكون بدهم يجربوا وياكلوا منه.

٦- العبوا رياضة:

عشان الجيل الصغير متعلق أكتر بالتكنولوچيا وما بيعمل رياضة كتير فممكن نستغل الوقت هادا ونعلمهم أهمية الرياضة في يومهم، ونلعبها معاهم.