قوائم
الكورونا تعيدنا لزمن الطيبين
بما انه احنا بفترة حجر صحي بسبب فيروس COVID-19 واكيد ملينا من قعدة البيت، في عادات بالحجر رجعتنا لفترة الثمانينات والتسعينات، شو هي هاي العادات؟
الألعاب القديمة
في كتير العاب من الزمن الجميل موجودة في كل بيت اردني و أبرزها:
السلم و الحية
البلايستيشن
لعبة الدومينوز
لعبة الطاولة
Uno
لعبة الشدة
وهلاء اجت الفرصة لترجعو لهاي الالعاب و ترجعو ايام الطيبين.
الكيك أيام الطيبين
ايام زمان كانت من العادات انه الوالدة تعمل كيكة لما يكون في لمة بالعيلة او اخر الاسبوع وكتير الكيكة بسيطة مع كاسة شاي او عصير.
افلام و مسلسلات قديمة
اذا لاحظتو انه في كتير مسلسلات و افلام من ايام الطيبين عم تنعرض عالتلفزيون بتعرضها قنوات مصرية و سورية
متل قناة لنا السورية وقناة on و dmc و cima وقناة النهار المصرية
الارجيلة و قعدات الاسطحة
بما انه الربيع اجى و الجو صار لطيف كتير صارو ناس يقعدو عالاسطحة و يأرجلو و يعملو مشاوي زي ايام زمان بدل القعدة بالrooftops والكاقيات.
سناكات من الدكانة
بما انه اغلب الناس رجعت تشتري من الدكاكين راح تلاقو شكولاتات و شيبسات ايام الطيبين من راس العبد لشيبس رينجو و توتو وكوكو عاشور و شيبس ساندي و كتير و اكيد في كتير ناس اشترت منهم بهالوقت الحالي.