قوائم
إذا سألت الأردني وين بدك تروح بس يخلص الحجر الصحي شو راح يجاوبك؟
طول الحجر الصحي واكيد الأردنيين اشتاقو لاماكن كتيرة بعمان وكانت بالنسبة الهم زي الروتين اليومي اللي ما بيقدرو يستغنو عنه.
هلاء إذا سألت الأردني وين اول مكان راح تروح عليه بعد الحجر الصحي شو راح يجاوبك؟
أكيد في كتار راح يحكو الاهل والاصحاب بس في أماكن بعمان ما بيقدر حدا يستغنى عنها وراح يروح عليها بس يخلص الحجر الصحي مباشرة.
وسط البلد
المكان الي فيه روح عمان القديمة والناس الطيبة والاكل الشعبي الزاكي والقعدات الحلوة، في كتار من عشاق الحلو اكيد راح يروحو على حلويات حبيبة لياكلو الكنافة عالواقف بعد طول غياب وفي راح يروحو مع الاهل ويفطرو حمص وفلافل بمطعم هاشم و كتير من مطاعم وسط البلد اشتقنالها و ما بنتستغني عنها.
البوليفارد
الوجهة السياحية الجديدة في عمان او بتقدرو تحكو وسط عمان الحديثة، و جزء كبير من الأردنيين راح يروح عالبوليفارد لانه بالبوليفارد بتلاقي الحياة و التطور والتنوع بكل الجوانب، اشتقنا للبوليفارد وفعالياته الحلوة.
الصويفية فيلاج
مول جديد بالأردن تحديدا بمنطقة الصويفية بس مع انه جديد اله رواد كتير وبفترة قصيرة قدر يكون محط جذب للناس و السياح، و اكيد من رواده اول ما يخلص الحجر الصحي راح يروحو عليه.
اللويبدة
أجواء اللويبدة الرهيبة الي بنعشقها ومقهى rumi ومطعم oliva وغيره اكيد اشتقنالهم وروادهم مستنين يخلص الحجر ليزوروهم.
المولات والشوبينج
كتير ناس عم تستنى المولات لتفتح عشان الشوبنج ويقضو وقت فيها.
دور الفن
عشاق الفنون والرسم والتصميم عم بستنو ليروحو على دور الفن ويعملو ندوات ثقافية وتجمعات.
صالونات التجميل
اكيد الصبايا عم بستنو الحجر ليخلص عشان المكياج و العناية بالبشرة والجمال.
مقاهي الارجيلة
عشاق الارجيلة بانتظار الأوضاع ترجع ليأرجلو برا مع اصحابهم و معارفهم و اكيد الأرجيلة مع الصحبة غير.
Starbucks
عشاق ستاربكس اكيد مو قادرين يتحملو يشربو القهوة بالبيت لانهم تعودو على قهوة ستاربكس.
المطاعم والاكل الجاهز
كل الناس عم تستنى المطاعم لتفتح ليجبو شاورما واكل جاهز كونهم زهقو من البيت كل فترة الحجر.