أنواع الأشخاص اللي بتشوفوهم بشهر رمضان

عشان رمضان صار عالأبواب، حبينا نجمعلكم أنواع الأشخاص اللي رح تشوفوهم هالشهر.

١. اللي بضل معصب

هادا من غير اشي خلقه ضيق، كيف إذا كان صايم ومش شربان قهوة عالصبح؟

٢. اللي بضل نايم

بنام بعد السحور وبيصحى قبل الإفطار. ما شاء الله على صيامك يا شيخ.

٣. اللي بيتحجج بصيامه

كأنه هو الانسان الوحيد إلي صايم. ما فيك تطلب منه اشي، دائماً حجته إنو صايم.

٤. اللي ما بيترك اشي من شره وقت الإفطار

من التمر للشوربة للسلطة للمقبلات للطبق الرئيسي للحلو للمشروبات. ما في اشي ما بياكل منه.

٥. اللي بينق

مافي علسانه غير “جوعان وعطشان” من أول ما يصحى لوقت الإفطار. ارحمنا.

٦. اللي عنده أهداف ليغير حياته كل رمضان

وكل رمضان بيفشل. ساعة بدو يوقف تدخين ساعة بدو يلتزم بالنادي ساعة بدو يهتم بأكله. كلها وعود كاذبة.

٧. اللي مسوي “countdown” للإفطار

بتحسه ناطر عيد رأس السنة. بيعد كل ساعة وكل دقيقة وكل ثانية لوقت الافطار.

٨. اللي مقضيها مسلسلات وأفلام

هادا بيستنى رمضان عشان يتابع أجدد المسلسلات على كل القنوات.