قوائم
إيمان ملحس

١٠ مواقف محرجة كلنا مارقين فيها

مين فينا مش مارق بهاي المواقف؟

١. عم تحكي مع شخص وما بتسمع حديثه. فبتطلب منه يعيد وكمان ما بتسمع. بيرجع يعيد ولساتك ما سمعت.

فبتستسلم وبتضحكله بالآخر.

٢. صرلك فترة طويلة متعرف على شخص بس لساتك بتنسى إسمه

فبتصير تعيطله يا حبيبي ويا عيني.

٣. قاعد بالصف أو بإجتماع وبطنك بتعمل أصوات خرافية

وما بتعود بتسكت.

٤. ماشي بالصلاة على النبي وبتوقع منك لحالك

وبتبقى كل النهار عم بتفكر بالموضوع.

٥. لما شخص يعطيك هدية ومضطر تمثل إنها حلوة وانك حبيتها

خرجك تربح جائزة أوسكار على أداءك.

٦. لما تنكت وما حدا يضحكلك

أصلاً إنت دمك خفيف بس الناس ما بفهموك.

٧. لما تودع شخص وترجعوا تمشوا بنفس الاتجاه

فبتفتحوا حديث من أول وجديد.

٨. لما تعمل لايك لبوست شخص من ٣ سنين

يا فضيحتك.

٩. لما تسلم على شخص بتعرفه من بعيد وما يشوفك ولا يعبرك

مش مشكلة، حلو الواحد يحكي حاله أصلاً.

١٠. لما تفوت بعامود أو باب وتعتذر منه

كلك تهذيب.