قوائم
اكتر الكلمات اللي بترددها امهاتنا قبل ما نصَيِّف
منوصل لفترة منصير فيها ضايجين من الاواعي الشتويّة و منصير بدنا نصَيِّف بِغض النظر عالطقس، هيّ اكتر كلام ممكن تسمعه من امك قبل ما تصَيِّف:
١. بكرة اذا مرِضِت انا ما خصني
لانه اولادنا بيصيروا بدهم يخَفِّفوا لبس من دون ما يهتمّوا انه لسّه الحرارة مش مستقرّة ، يعني ممكن يتعرضوا للمرض و اوَّل جملة ممكن تسمعها انه بكرة اذا مرِضِت انا ما خصني.
٢. اذا رِجعَت بَرَّدَت ما رح ارجع انَزِّلَّك الشتوي
بتلاقي الاولاد اول ارتفاع بسيط للحرارة بدهم يضُبّوا الشتوي و ينزلوا الصيفي.. و طبعاً عالفاضي لانه الحرارة بترجع تنزل من اوَّل و جديد
٣. ما تفكِّر رح اعطلك عن المدرسة ادا فلوزِت
اكتر جملة أمّهاتنا بحكوها.. و لحد هلّا ما منعرف انه ليه اذا صيَّفنا لازم نمرض.. مافي خيار ثاني رح نمرض يعني رح نمرض.
٤. لِسّة بكير عالبوظة
كأنه اكل البوظة الها وقت محدد او فصل محدد. عفكرة الاجانب بياكلوا البوظة بالشتا لانه بتعطيهم طاقة و بتخلّيهم يتدَّفوا.
٥. بكرة بتمرض و ابوك ببلش فيي
طبعاً الحقّ عالام اذا الاولاد مرضوا .. كتير منسمع هاي الجملة من الامَّهات.. الاب ما بيكون عارف عن المصارعات الل يبتصير بين الام و الاولاد بخصوص هالموضوع.
٦. ما لحَّقت تشمِّس صرت بدك تلبس صيفي؟
صراحة معهم حق بخصوص هالجملة ، لانه جد ما بتلحِّق تشمس و منصَيِّف.
٧. سباحة ما في غير لتخَلِّص امتحاناتك
لانه السباحة مشروطة بالعطلة الصيفية و غير هيك لأ.
Powered by Froala Editor