قوائم
إيمان ملحس

أشياء بتسمعها بأي افطار عائلي بالأردن

في كل جمعة عائلية على الافطار، بتسمع هاي الأشياء.

١. الأكلة هاي مش أكلتك

بعد ما يحطوا نص طن أكل قدامك وتشبع.

٢. نورتوا يا جماعه

الجملة الي بتتقال مليون مرة لما الناس كلها تسكت وما يكون في اشي تاني ينقال.

٣. مادام ما خلصت صحنك يعني الأكل ما عجبك

وهاي غالباً بتكون ستك اللي ملتلك صحنك عشر مرات وكل مرة بتزعل إذا ما أكلته.

٤. نسيت أسخن خبز ممكن تروح تجيبه

اي سفرة عائلية لازم كل مرة حدا ينسي الخبز.

٥. سفرة هنيه/دايمة يا جماعه

دايما في شخص بيخلص أكل أول واحد وبيقول هاي الجملة الشهيرة.

٦. روح جيب ماي

زي الخبز بالظبط الماي من الأساسيات الي بتنتسى و ما حدا بيتذكر يطلبها منك الا وانت بنص الاكل.

٧. حدا يعملنا شاي/قهوة

الجملة الي اول ما بنسمعها بعد الاكل كلنا منقوم منتخبى.