قوائم
احمد سميري
This article is also available in English. Switch Language

٧ جمل بيسمعها كل خريج اردني

التخرّج من الجامعة هي من اهم اللحظات اللّي بيختبرها الانسان بحياته و مناسبة كبيرة للخرّيج و عيلته. وطبعاً بس تصير خرّيج في جمل وين ما رحت ومين ما شفت بدّك تسمعها

1. وين الحلوان

لازم مشوار عحبيبة عشان صدر الكنافة للعيلة كلها.

2. ما تفكرني ناسيلك هدية التخرّج

طبعاً بتمر الأيام و الشهور و بالآخر بتنسى شو يعني هدية تخرّج.

3. مين بدك تعزم عحفلة النجاح؟


“فش داعي تعزم كتير عالم عالحفلة بس 60 من اهل امك و 60 من اهل ابوك”!!

4. اديش كان معدّلك؟



هون الخرّيج بيلتخم وبغيّر الموضوع عشان يتجنّب الفضايح وما يسمع عن معدّل بنت خالتو العالي.


5. ايمتى بدنا نفرح فيك

بتكون لسّا من اسبوعين متخرّج ومعك ليرتين بجيبتك وبتيجيك عمتك بدها تدوّرلك على عروس.

6. عفواً بدنا عالقليلة 5 سنين خبرة

يا حبيبي ولله خريج جديد و 5 سنين خبرة بيركبوش مع بعض.

7. بدّك تحلّينا كنافة مع اول راتب

بعد ما تشتغل بترجع بتروح عحبيبه عشان تحلّي عيلتك مرّة تانية وبتكتشف عالطريق انو نحنا شعب بيعشق الكنافة.