قوائم
كاتب
This article is also available in English. Switch Language

٧ اشخاص بتدخل معهم بعلاقة

عشان ترتبط بشخص بنهاية المطاف سواء شب او بنت، بُمرُق عليك عدة اشكال لتلتقي بالشخص المناسب للزواج. من هالاشكال:

١) الخوّيف/ة:

هالشخص بخاف من الالتزام. يعني كل وقتك مع هالشخص راح عالفاضي لانه ما بدّه يرتبط و بدّه يضل مثل ما هو بدون ما يتغير عليه شيء.

٢) المستجوِّز/ة:

هالشخص بس في باله اشي معين و اللي هو الزواج. بغض النظر عن مدى معرفتك بهالشخص، مُستعد يعمل اللي بقدر عليه ليلبس الخاتم (الدِبلة) بأي شكل من الاشكال.

٣) المُنفصِم/ة:

للأسف في كثير منهم و هذول صعب تتعامل معهم. كل يوم برأي و كل يوم بطَبِع و كل يوم بشخصية جديدة. ربنا الله، بعملوا جو لأنه حركاتهم غير متوقعة و لكن بعد مدة، حالك بتبطِّل تطيقه فما بالك المفاصيم.

٤) المتهرب/ة:

هذول دايما بلاقولهم حِجّة مقنعة او غير مقنعة ليتهربوا من العلاقة اللي همّه فيها. مشهورين بجملة “انت احسن مني و الله يبعثلك اللي بستاهلك”

٥) الحساس/ة:

اشخاص مُفعمين بالاحساس و رومانسيين عالآخر. بزعلوا لما ما تبادلهم نفس الافكار و الاساليب اللي بتبعوها ليعبروا عن مشاعرهم. دير بالك من هالنوع لانهم مستعدين يرنّوا عليك ٦٠٠ مرة متواصلة بالساعة اللي ما بترد عليهم.

٦) اللعّيب/ة:

الكل بكره هالنوع و لكن موجود بأرض الواقع. هالنوع بيحب يلعب بالاشخاص اللي برتبط فيهم سواء بوعود للزواج او غيره بس بدون اي نتيجة. الواحد بيضل مع هاد النوع ع اساس انه بنقدر نغيره او ع اساس انه هاي المره بحكي جد و بالآخر انتم السابقون و نحن اللاحقون.

٧) الرخيص/ة:

هاد الشكل بنجاب بالمصاري. بنبهروا بلِبسك و نوع السيارة اللي راكبها بهدف يمصّ دمك و انت زي الخاروف بتدفع، كل فكرك انه الموضوع جدّي و هو بعيد كلياً عن الجدية.