قوائم
This article is also available in
.
Switch Language
تعرفوا على اسباب تسمية بعض المناطق بالاردن
كُلنا ساكنين بمناطق مختلفة، وكتير مرّات منسمع اسامي مناطق وبكون نفسنا نعرف معناها او من وين اجت فكرة الاسم، بس كتير قلال مِنّا اللي جد بعرف سبب تسمية هاي المناطق، هيّ بعض من المناطق المهمّة بعمان اللّي منعرفها بس ما منعرف شو كانت القصّة اللي بسببها تسَمّوا اساميهم اللي منعرفها حالياً.
الشميساني
ومين ما بعرف الشميساني، تسمت بهاد الاسم لأنه هاي المنطقه كانت تتشمس فيها ابل بني صخر عشان تعطش وترجع تشرب مره تانيه فصار اسمها الشميساني.
الصويفيه
لما عشائر بني صخر كانوا ينزلوا بهاي المنطقه كانوا بِلُغَتهُم يحكوا ‘بدنا نمضي الصويف هون’ وتحول الاسم إلى الصويفيه .
راس العين
بداية سيل عمان اللي كانت تنبع منه المي.
المحطه
نسبة لمحطة القطار (محطة القطار الحجاز عمان).
وادي صقره
او وادي زارا اي وادي الماء وتحرَّفت الكلمه من زارا إلى صقره.
ام السماق
عشان كانت أشجار السماق كتير منتشره فيها.
دير غبار
من كتر نعومة الغبار اللي كان يتطاير بالهوا بس تدعس القدم عالأرض.
العبدلي
نسبة إلى الملك المؤسس الملك عبدالله.