قوائم
إيمان ملحس
This article is also available in English. Switch Language

٩ تطبيقات خليوية بتسهل حياة كل اردني

مع تطور التكنولوجيا و عشان نواكب هالتطور، كل اردني معه تلفون حديث ينزِّل عليه تطبيقات مختلفة تساعده بحياته اليومية عدا مواقع التواصل الاجتماعية و يوتيوب و منها:

١) تطبيقات المواصلات: زي Easy Taxi, Careem, Uber. هذول بيساعدوك لمّا ما يكون معك سيارة او تكون سيارتك بالتصليح وتحتاج طريقة آمنة و مضمونة يوصلك.

٢) طلبات : لما تكون جوعان و مش ملاقي شي تاكله او مش جاي ع بالك تطبخ، هالتطبيق بيوفرلك اكثر من مطعم تطلب منه مع توصيل بدون ما تدوِّر ع ارقام مطاعم و ترَن رِن عليهم.

٣) تطبيق الحجوزات Reserve Out: هالتطبيق بختصر عليك الوقت و الجهد اللي بتعمله عشان تحجز طاولة بالمكان اللي ناوي تروح عليه.

٤) تطبيقات البنوك: زي Arabi Mobile للبنك العربي مثلا، يللي بيسهل عليك تدفع الفواتير و تحوِّل مصاري و انت قاعد بمكانك.

٥) تطبيقات الطقس: مع انه في تطبيق من نفس الخلوي بحكيلك عن الاحوال الجوية لليوم و ال١٠ ايام اللي بعده بس لابد من تنزيل تطبيق طقس العرب.

٦) تطبيقات الاخبار: مثل عمّون و سَرايا و خبِّرني عشان تواكب احداث و تطورات الاردن و البلدان المجاورة و العالم.

٧) السوق المفتوح Open Souq: و غالبا ما يستخدم هاد التطبيق لبيع و شراء السيارات مع انه موجود فيّو اكثر من اشي ممكن تبيعه و تشتريه غير السيارات.

٨) تطبيقات السفر: زي Booking.com, Trivago. ع اساس انه إحنا طول نهارنا مسافرين مثلا.

٩) تطبيقات التقييم و التعليقات: مثل Jeeran and Trip Advisor، اللي بيوفِّرلَك ملاحظات عالمطاعم و الاماكن اللي ممكن تزورها و تعليقات الناس بناءً على رأيهم و تجاربهم.