انواع الاقارب بكل عيلة اردنية

الطويل و القصير, الضعيف و الناصح, النقّاق و الساكت, النّكدي و الفرايحي بزيادة.. قرايبك على اختلاف اطباعهم بلونو حياتك, بس في منهم بتسأل حالك انت و معهم” ليش انا ويّاك من نفس العيلة؟”

1. المهتم بحياتك العاطفية

اول ما تشوف هالشخص, برحبك بجملة ” ضعفان مبيّن, عالحبّ طبعا اّه “

2. لي بدّو يأكلك غصبا عنّك

بتكونو قاعدين للغدا, و بدون ما حدا يقولو بيحمل فخدة دجاجة و بكبها عصحنك

3. لي بتضل تحكي عن ولادها

بتكونو عم تتناقشو عن الاوضاع الاقتصادية بالاردن, و فجأة بتفتح موضوع كيف استاذ الانشاء ظلم ابنها بعلامة

4. لي بدّو يجوزك

بتهرب من نقّ اهلك بموضوع الجيزة, بتلاقي خالتك قرت الفاتحة عنّك مع بنت جارتها

5. لي جيبتو كبيرة

ابن الحلال و حبيب القلب هاض بيختفي السنة كلها و ببيّن بس نهار العيد و عيد ميلادك

6. الولد النابغة

هاض اذا سرق من العيلة, ما بتلاقي الّا ستّك و جدّك بقولو ” فداك كلّ المصاري يا روحي انا”