قوائم
This article is also available in
.
Switch Language
٧ هدايا أردنية تجيبها لكل اجنبي
في هدايا بنشتريها للاردني المتغرِّب و في هدايا بتشتريها للأجانب. الفرق واضح بيناتهم، هدايا المغترب فيها نوع من الحنين للأردن اما هدايا الأردني للأجنبي بترمز للأردن و ثقافتها. من هالهدايا:
١) منتجات البحر الميت من ريفاج او بلوم :
هالمنتجات بتكون للعناية بالجسم و البشرة مثل طين البحر الميت او املاحها و غيرها.
٢) هدايا من الافغاني:
عندهم كثير هدايا تذكارية و حِرَف يدوية ترمز للأردن مثل دِرع البتراء، حَربات (سكاكين او خناجر)، سيوف و بواريد عتيقة، لوحات موزاييك و تحف و اكسسوارات متنوعة.
٣) هدايا من وسط البلد عمان: بتلاقي كل شي بوسط البلد، بس اهم الهدايا اللي بتجيبها للأجنبي من هناك الشماغ الاحمر و العقال للشباب و اي شي مطرَّز للبنات. كمان بتلاقي قناني رَمِل ملوّن و فيها اسامي كمان.
٤) الماء المقدس من نهر الاردن:
في كثير ناس بتحب عبوات من ماء نهر الاردن لقداستها.
٥) هدايا أردن شوب:
هالمحل بيبيع كل شي اردني و من اهمها نشمي و هدول مجسَّمات جندي عربي او حَرَس الشَرَف الملكي او الحَرَس المَلَكي الشَركَسي. و غير نشمي، عندهم كثير هدايا ممكن تختار منها زي الاواعي، الاكسسوارات، المجوهرات و حتى منتجات غذائية مثل الزعتر البلدي و غيره.
٦) بلايز من جوبدو او ملبس او فانيلا:
هدول المحلات عندهم بلايز عصرية للصيف و الشتا. معظمهم عليها عبارات أردنية و نَهفَات حلوة باللغتين العربية و الانجليزية.
٧) عمان اوبولي:
شركة قوشان الأردنية عِملَت إصدار أردني من اللعبة العالمية مونوبولي Monopoly للمتاجرة بالعقار و اللي هي عمان اوبولي.