قوائم
احمد سميري

اشيا بتشوفها بالمطار الأردني

كلنا منحب نسافر و نرتاح لكم يوم من الشغل, الجامعات او المدارس, و نروح نختبر الحياة برّا بلدنا حتى ولو لفترة قصيرة. و لكل يلّي مارق من مطار اردني, انت اكيد متعوّد على ظواهر معيّنة ما فيك تهرب منها.

1. صفوف طويلة على ماكدونالد

وحياة الله فلافل الكلحة زاكي يا جماعة

2. ولاد عم يركضوا

” برافو يا بابا برافو, لا يا حبيبي تكبّش قهوة عمّو “

3. جماعة السلفي

بتلاقيهم رايحين من عمان للعقبة و اّخدين 57 صورة عالبوابة

4. المستعجل

هاض لي بخبّط العالم كلها بعجال شنتو و بقلك ” عفوا عم بنادو اسمي “

5. الاب النكد

بس يوصل عالجوازات بيتذكر انو نسي العطر بالبيت و بضل مكشّر الرحلة كلها

6. المودعين

بتلاقي ام و اب عم بودعوا ولادهم لي رايحين عالغربة و حابسين دمعتهم, و انت ما فيك الّا انو تدمع معهم