العالم لي بتشوفها بالاعراس بالاردن

كلنا منحب الاعراس, منحتفل فيها بحب ناس قريبين عقلوبنا و هي مناسبة بتجمع كل القرايب و الاصدقاء لليلة طويلة من الرقص, الضحك, و الحب. و طبعا بكل عرس, في اشخاص ما بيتغيّرو و بضلهم محافظين على عاداتهم حتى لو العرس 5 نجوم

1. الاكيل

هاض اّخر همّو يتجوّزوا او يتطلّقو, اول ما سمع انو في بوفيه طلّع البدلة من الخزانة و بعتها عالكوّة

2. الشخص لي ما حدا بيعرفو

لا بتقرب العريس و لا العروس, من ايّا مصيبة طلعتلنا انت؟

3. لي ما بحب يرقص

شخص بضل قاعد و بيرفض اي دعوة انو يهزّ حتّى لو بدّو يزعّل العرسان وما حدا بيعرف ليش بضل ينعزم عالاعراس

4. الرقّيص

عدوّ رقم 3 الاول بالاعراس, بتلاقي الليلة كلها بجرّ فيه عشان يقوم, طبعا هو مش مستوعب عدد المسبّات لي بياكلها بالعرس الواحد

5. لي بدوّرلك على عروس

عادة بتكون الستّ, بتقعد بتدوّرلك على عروس الليلة كلها و بس تلاقيها بتمسك اديكو و بترقّصكو غصبا عن لي خلّفكو

6. لي بتمسك البوكيت

نفس البنت بتحسها بتلقي تعويذة عالبوكيت عشان تمسكها, صرلها 26 عرس عنفس الحالة

7. جماعة الصور

بتكون العروس بدها تتصور مع اصحابها من الجامعة, بيجي ابن عمتو للعريس بيدحش حالو بيناتهم لسبب حتى هو ما بيعرفو