قوائم
احمد سميري
This article is also available in English. Switch Language

اشياء موجودة بكل بيت اردني

كل بيت بيتميّز بإشي خاص فيه: الديكور، الحي، العفش. بس وين ما كنت عايش في شغلات أكيد رح تلاقيها بكل بيت اردني.

1. الصوبا المتعددة الاستعمالات

هاي الصوبة بتدّفى فيها, بتحمّص فيها الخبز، وبتغلي عليها مي للشاي

2. باكيت الشوكولاطة لي بلفّ عالحي كلّو

بتيجيكو هديّة بمناسبة نجاح، بتعطيها لجارك لانو اجا ولد و بتضلها من بيت لبيت وهي مسكّرة

3. صحون الضيوف

هدول ما بتشوفهم الّا لمّا تكونو عازمين ناس عالغدا وبالايام العادية في الصحون البلاستيك عشان محدّش بدو يجلي

4. مخدة مزيّنة

في احلى من انو تنام عمخدّة مكتوب عليها شغلات بتلاقيها بغروب العيلة؟

5. كيس ضايل فيو 3 حبات فلافل

الكل بدّو ياكل هالتلات حبّات بس بنفس الوقت بدهمّش يعصبو لي معاهم فالبيت

6. النخوة

و اذا اجا نهار بدّك مساعدة، كل البيوت فيها النخوة المعروف فيها الشعب الاردني