قوائم
رنيم عبدالرحمن

خمس اكلات موجودة بمنيو كل عيلة اردنية

ما فيكن تنكروا الموضوع، هدول الأكلات كلهم على المينو عندكم بالبيت:

١. المنسف الأكلة رقم واحد بالأردن ما في شهر بمر على الاردنين ما بيعملوه وبكل المناسبات لازم يكون على راس المنيو و بيخنتلف طريقة طبخه حسب المنطقة لانه لبن الشمال مش زي لبن الجنوب كل واحد اله طعمه المميز وازا كنت من اربد او جرش وعجلون طريقتك لازم تكون لبن بقر بتكسرها مع شنينة وشوية جميد وازا كنت من الجنوب زي الكرك او الطفيلة لازم تحط جميد كركي على اصوله ومع اللبن لازم لحم خاروف وازا توفر الراس على راس السدر بيكون أحسن واحسن.

٢. المكمورة وهاي حصة أهل اربد وهي عبارة عن طبقات من العجين والجاج والبصل بتعملهم على شكل قالب ومع انها اكله شتوية بحت بس اهل اربد بيفضلو يطبخوها بموسم قطف الزيتون لإنها بتبلع الزيت بلع.

٣. الزرب هاي الأكله شاطرين فيها أهل الجنوب ولازم يكون فيها الفريكة والفلفل الأخضر والبصل والبطاطا والجزر وورق الغار واكليل الجبل والثوم والبندورة والبهارات المشكلة والقرفة كلها بتكون حشوة في بطن الذبيحة وبنضيف ثلاث كاسات مي وبعدين بنخيطها ومباشرة على شبك الشوي لشويها بحفرة تحت الارض معموله خصيصا لهيك.

٤. المقلوبة محبوبة الجماهير كل حدا بيعملها بطريقته بس لازم يكون فيها يا بيتنجان أو زهرة وبطاطا أو بس فول وكزبرة وممكن تكون على جاج أوعلحمة.

٥. صاجية اللحمة هاي خصوصي للرحلات ومهمة عملها للرجال وهي لحمة وبصل وفليفلة ملونة والها صاج معدن ومسمى على اسمها بنعمل بيت نار من الفحم واغصان الشجر وبنولع فيها النار وبنضيفلها بهارات زي ما بدنا وصحتين وعافية.