١٠ كلمات مستخدمة يوميا عند كل اردني

كل يوم بنحكي مع العشرات من الناس، بس بتلاحظ انه في كلمات معينة تُستَخدم يومياً و بكثرة، زي:

١) لَ الله: تستخدم هاي الكلمة للدلالة على المبالغة في الشيء مثلاً “لَ الله شوْب اليوم” او “واصلة معي لَ الله”

٢) يسعِد الله: تستخدم للدلالة على فرحة الواحد ب اشي مثلا “يسعِد الله، نِزِل الرواتب اليوم!”

٣) والله او اقسم بالله: كوننا بنحِّس انه اللي قبالنا مش مصدِّقنا، دايما بنِحلِف للدلالة عالمصداقية

٤) سبحان الله: تستخدم للدلالة عالتعجُّب و معظم الوقت تستخدم كنوع من الَمسخَرَة بس تِسمع موضوع معين

٥) صراحة: احنا جماعة صريحين جدا، لما حدا يسألنا اشي بِنبَلِّش الجملة ب صراحة… و بِنكَمِّل الحديث

٦) بِغَضّ النَظَر: تستخدم لما نكون عارفين انه كلامنا بيناقِض ما قبله بس بِغَضّ النَظَر عن ما سبق الموضوع بدّه ينتهي.

٧) انسى: لما يجيك حدا يسوْلفَك سولافة و ما يكون في اشي تسوّيه او فيش اشي تِحكيه بالمقابل، بتستخدم كلمة انسى.

٨) مَلَقَّت: تستخدم للدلالة على وضع زهقان منه، او شخص زهقان من تصرفاته او موضوع انحكى فيّو كثير و عالفاضي.

٩) باجيك او بلحقك: اذا بتسمعها اعرف انه اللي حكاها بده اقل اشي ساعة عشان يوصلك، هاد اذا وصل من اصله.

١٠) زي الخَرَى: تستخدم لما الوضع يكون مستوي و سيء و بتشبّهه بالخرى، واللهِ.